SUN குழுமத்திலிருந்து வெளிவரும் காலை நாளிதழ்

சுஸுகி இன்ட்ரூடர் 150 பைக் இந்தியாவில் அறிமுகம்

2017-11-12@ 00:05:05

இந்தியாவின் விலை குறைவான க்ரூஸர் ரக பைக் மாடலாக பஜாஜ் அவென்ஜர் விற்பனை செய்யப்பட்டு வருகிறது. தற்போது போட்டி இல்லாமல் சோலோவாக வலம் வரும் பஜாஜ் அவென்ஜருக்கு நெருக்கடியை தரும் வகையில், புதிய க்ரூஸர் மாடலை சுஸுகி நிறுவனம் அறிமுகம் செய்ய இருக்கிறது. புகழ்பெற்ற இன்ட்ரூடர் க்ரூஸர் மோட்டார் சைக்கிள் பிராண்டில் இப்புதிய மாடல் வர இருக்கிறது. சுஸுகி இன்ட்ரூடர் 150 என்ற இந்த மாடல் 2017 நவம்பர் 7 அன்று விற்பனைக்கு வந்துள்ளது.

சுஸுகி இன்ட்ரூடர் எம்1800ஆர் மோட்டார் சைக்கிளின் பல டிசைன் தாத்பரியங்கள் இந்த மோட்டார் சைக்கிளிலும் பயன்படுத்தப்பட்டு இருக்கிறது. சுஸுகி ஜிக்ஸெர் பைக்கில் பயன்படுத்தப்படும், 154.9 சிசி ஏர்கூல்டு இன்ஜின்தான் இந்த புதிய க்ரூஸர் ரக மோட்டார்சைக்கிளிலும் பொருத்தப்பட்டு இருக்கிறது. இந்த இன்ஜின் அதிகபட்சமாக 14 பிஎச்பி பவரையும், 14 என்எம் டார்க் திறனையும் வழங்க வல்லதாக இருக்கும். 5 ஸ்பீடு கியர்பாக்ஸ் கொண்டதாக வருகிறது. அதே நேரத்தில், க்ரூஸர் ரகத்திற்கு தக்கவாாறு ஆரம்ப நிலை மற்றும் நடுத்தர நிலையில் சிறந்த டார்க் திறனை வழங்கும் விதத்தில், இன்ஜினில் மாற்றங்கள் செய்யப்பட்டு இருக்கும் என்பது எதிர்பார்ப்பாக உள்ளது.
முரட்டுத்தனமான தோள்பட்டை அமைப்பு கொண்டதாக இருக்கும் வகையில், ஹேண்டில்பார், பெட்ரோல் டேங்க் வடிவமைப்புகள் உள்ளன. பெரிய அளவிலான ஹெட்லைட் அமைப்பும் வசீகரிக்கிறது. பக்கெட் ஸ்டைல் ஓட்டுனர் இருக்கை இதன் முக்கிய சிறப்பு.

இந்த மோட்டார்சைக்கிளில் புரொஜெக்டர் ஹெட்லைட், எல்இடி டெயில் லைட், சிங்கிள் சேனல் ஏபிஎஸ் பிரேக்கிங் சிஸ்டம், இரட்டை புகைப்போக்கி அமைப்பு, டிஸ்க் பிரேக், கருப்பு நிற அலாய் வீல் போன்றவை முக்கிய சிறப்புகளாக இருக்கிறது. பஜாஜ் நிறுவனத்தின் அவென்ஜர் ஸ்ட்ரீட் 150 மற்றும் அவென்ஜர் க்ரூஸ் 220 மாடல்களுக்கு போட்டியாக இந்த பைக் இருக்கும். இது சற்று பிரிமியம் மாடலாக நிலைநிறுத்தப்படும் என்பதால், பஜாஜ் அவென்ஜர் மோட்டார் சைக்கிள்களைவிட சற்றே விலை அதிகமாக நிர்ணயிக்க வாய்ப்புள்ளது. இந்த மோட்டார் சைக்கிள் 1 லட்சத்தையொட்டிய எக்ஸ்ஷோரூம் விலையில் வரும் என்பது இப்போதைய கணிப்பு.

மேலும் செய்திகள்

Like Us on Facebook Dinkaran Daily News
  • longestseabridge

    உலகில் எங்கும் இல்லாத தனிச்சிறப்புடன் கட்டி முடிக்கப்பட்ட உலகின் நீளமான கடல் பாலம்

  • delhi_strikepetrol18

    டெல்லியில் பெட்ரோல் பங்குகள் ஸ்டிரைக்: கால் டாக்சி, ஆட்டோ சேவைகள் முடக்கம் !

  • solarcar_race

    சூரிய மின்சக்திகளால் இயங்கும் கார்களுக்கான பந்தயம் சிலி நாட்டில் கொண்டாட்டம்!

  • hondurans_americatrump

    ஹோண்டராஸில் இருந்து அமெரிக்கா நோக்கி நடைபயணம் மேற்கொள்ளும் அகதிகள் !

  • snowfall_kedarnthpics

    கேதார்நாத், பத்ரிநாத்தில் உருவாகியுள்ள பனிப்பொழிவின் புகைப்படங்கள்!

படங்கள் வீடியோ கல்வி சினிமா ஜோ‌திட‌ம்