SUN குழுமத்திலிருந்து வெளிவரும் காலை நாளிதழ்

பிபா யு-17 அரை இறுதிக்கு முன்னேறியது மாலி

2017-10-22@ 02:27:10

கவுகாத்தி: பிபா யு-17 உலக கோப்பை கால்பந்து போட்டித் தொடரின் அரை இறுதியில் விளையாட, மாலி அணி தகுதி பெற்றுள்ளது.
கவுகாத்தி, இந்திரா காந்தி ஸ்டேடியத்தில் நேற்று நடந்த கால் இறுதியில் கானா - மாலி அணிகள் மோதின. தொடக்கம் முதலே துடிப்புடன் விளையாடி பந்தை தங்கள் கட்டுப்பாட்டில் வைத்திருந்த மாலி அணி வீரர்கள், கானா கோல் பகுதியை முற்றுகையிட்டு தாக்குதல் நடத்தினர். ஆட்டத்தின் 15வது நிமிடத்தில் ஹட்ஜி டிரேம் அபாரமாக கோல் அடிக்க மாலி அணி 1-0 என முன்னிலை பெற்றது. இடைவேளை வரை இதே நிலை நீடித்தது.

இரண்டாவது பாதியிலும் ஆதிக்கம் செலுத்திய மாலி அணிக்கு, 61வது நிமிடத்தில் டெமூஸா டிரயோர் கோல் அடித்து 2-0 என முன்னிலையை அதிகரித்தார். இதைத் தொடர்ந்து பதில் தாக்குதலை தீவிரப்படுத்திய கானா அணிக்கு, 70வது நிமிடத்தில் கிடைத்த பெனால்டி வாய்ப்பில் குதுஸ் முகமது கோல் போட்டார். கடைசி கட்டத்தில் இரு அணி வீரர்களும் கோல் அடிக்க மேற்கொண்ட முயற்சிகள் பலனளிக்கவில்லை. விறுவிறுப்பான ஆட்டத்தின் முடிவில் மாலி அணி 2-1 என்ற கோல் கணக்கில் வென்று அரை இறுதிக்கு முன்னேறியது. ஸ்பெயின் - ஈரான் அணிகளிடையே இன்று நடைபெறும் கால் இறுதியில் வெற்றி பெறும் அணியை மாலி அரை இறுதியில் சந்திக்கிறது. கோவா நேரு ஸ்டேடியத்தில் நேற்று இரவு நடந்த 2வது கால் இறுதியில் இங்கிலாந்து 4-1 என்ற கோல் கணக்கில் அமெரிக்காவை வீழ்த்தியது.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-05-2018

    26-05-2018 இன்றைய சிறப்பு படங்கள்

  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

படங்கள் வீடியோ கல்வி சினிமா ஜோ‌திட‌ம்