SUN குழுமத்திலிருந்து வெளிவரும் காலை நாளிதழ்

பாகிஸ்தானுக்கு எதிராக கோல் மழை ஆசிய கோப்பை ஹாக்கி பைனலுக்கு இந்தியா தகுதி

2017-10-22@ 02:25:38

தாக்கா: ஆசிய கோப்பை ஆண்கள் ஹாக்கி போட்டித் தொடரின் சூப்பர் 4 லீக் ஆட்டத்தில் பாகிஸ்தானை 4-0 என்ற கோல் கணக்கில் அபாரமாக வென்ற இந்திய அணி இறுதிப் போட்டிக்கு முன்னேறியது. வங்கதேசத்தில் நடந்து வரும் இந்த தொடரின் சூப்பர் 4 சுற்றில் இந்தியா - பாகிஸ்தான் அணிகள் மோதின. இப்போட்டியில் டிரா செய்தாலே பைனலுக்கு முன்னேற முடியும் என்ற சாதகமான நிலையில் களமிறங்கிய இந்திய அணிக்கு, பாகிஸ்தான் வீரர்கள் ஈடுகொடுத்து விளையாடியதால் இடைவேளை வரை கோல் ஏதும் விழாமல் 0-0 என சமநிலை நிலவியது.

மூன்றாவது கால் மணி நேர ஆட்டத்தின் தொடக்கத்தில் இருந்தே பந்தை துடிப்பாக கடத்திச் சென்று நெருக்கடி கொடுத்த இந்திய அணிக்கு, 39வது நிமிடத்தில் சத்பிர் சிங் கோல் அடித்து கணக்கை தொடங்கி வைத்தார். இதைத் தொடர்ந்து ஹர்மான்பிரீத் சிங் (51வது நிமிடம்), லலித் உபாத்யாய் (52வது நிமிடம்), குர்ஜந்த் சிங் (57வது நிமிடம்) ஆகியோர் அடுத்தடுத்து கோல் அடித்து அசத்தினர். இந்திய வீரர்களின் வேகத்துக்கு ஈடு கொடுக்க முடியாமல் திணறிய பாகிஸ்தான் அணி ஸ்தம்பித்து நின்றது. ஆட்ட நேர முடிவில் 4-0 என்ற கோல் கணக்கில் அபாரமாக வென்ற இந்தியா, சூப்பர் 4 சுற்றில் 7 புள்ளிகளுடன் முதலிடம் பிடித்து கம்பீரமாக பைனலுக்கு முன்னேறியது.

மேலும் செய்திகள்

Like Us on Facebook Dinkaran Daily News
  • 22-07-2018

    22-07-2018 இன்றைய சிறப்பு படங்கள்

  • 21-07-2018

    21-07-2018 இன்றைய சிறப்பு படங்கள்

  • DryingClothingfestival

    சீனாவில் வருடாந்திர உலர்த்தும் ஆடை திருவிழா: பாரம்பரிய ஆடைகளை நெய்து விழாவை சிறப்பித்த பெண்கள்

  • unmanedbookshopchina

    சீனாவின் அதிநவீன தொழில்நுட்பத்துடன் கூடிய மிகப்பெரிய ஆளில்லா புத்தக நிலையம் திறப்பு

  • newyork_steam_explosion

    நீராவி குழாய் வெடித்து சிதறியதில் புகை மண்டலமாக காட்சியளித்த நியூயார்க் நகரம்!

படங்கள் வீடியோ கல்வி சினிமா ஜோ‌திட‌ம்