SUN குழுமத்திலிருந்து வெளிவரும் காலை நாளிதழ்

ஜெயலலிதா மரணம் குறித்து சிபிஐ விசாரணை கோரி தீபா பேரவை போராட்டம் நடத்த அனுமதி கோரிய மனு தள்ளுபடி

2017-10-18@ 00:39:02

சென்னை: ஜெயலலிதாவின் மரணம் குறித்து சி.பி.ஐ. விசாரணைக்கு உத்தரவிடக் கோரி வேலூர் கலெக்டர் அலுவலகம் முன் வரும் 23ம் தேதி  ஆர்ப்பாட்டம் நடத்த கோரிய வழக்கு தள்ளுபடி செய்யப்பட்டது. சென்னை உயர் நீதிமன்றத்தில் முன்னாள் அமைச்சர் பாண்டுரங்கள் (அதிமுக) தாக்கல் செய்த மனுவில்,  ஜெயலலிதா மரணத்திற்குப் பின், அவரது  சகோதரர் மகள் தீபா துவங்கியுள்ள எம்.ஜி.ஆர். அம்மா தீபா பேரவையில் சேர்ந்து அந்த பேரவையின் பொறுப்பாளராக பதவி வகித்து வருகிறேன். ஜெயலலிதா சிகிச்சை பெற்ற அப்போலோ மருத்துவமனை அதிகாரிகள் மற்றும் பிற மருத்துவர்கள் செல்வாக்கான நபர்கள் என்பதால்,  ஜெயலலிதாவின் மரணம் குறித்து பல்வேறு சந்தேகங்கள் எழுந்துள்ளதால், சி.பி.ஐ. விசாரணைக்கு உத்தரவிட வேண்டும் என எம்.ஜி.ஆர். அம்மா தீபா  பேரவை கோரிக்கை வைத்துள்ளது. இந்த கோரிக்கையை வலியுறுத்தி, அனைத்து மாவட்டங்களிலும் போராட்டங்கள் நடத்த முடிவு செய்யப்பட்டுள்ளது.

அந்த வகையில், வேலூர் மாவட்ட கலெக்டர் அலுவலகம் அமைந்துள்ள சத்துவாச்சாரியில் வரும் 23ம் தேதி  போராட்டம் நடத்த அனுமதி கோரி  சத்துவாச்சேரி இன்ஸ்பெக்டரை அணுகிய போது, அன்றைய தினம் மாவட்ட ஆட்சியர் அலுவலகத்தில் பொதுமக்கள் குறை கேட்கும் நிகழ்ச்சி நடக்க  இருப்பதாகக் கூறி, அனுமதி மறுத்து விட்டார். எனவே, இன்ஸ்பெக்டரின் உத்தரவை ரத்து செய்து, போராட்டம் நடத்த அனுமதி வழங்கும்படி உத்தரவிட  வேண்டும் என்று கூறப்பட்டுள்ளது.இந்த மனு நீதிபதி எம்.எஸ்.ரமேஷ் முன்னிலையில் விசாரணைக்கு வந்தது. மனுவை விசாரித்த நீதிபதி, ஜெயலலிதா மரணம் தொடர்பாக விசாரணை  நடத்த உயர் நீதிமன்ற ஓய்வுபெற்ற நீதிபதி ஆறுமுகசாமி தலைமையில் விசாரணை ஆணையம் அமைக்கப்பட்டுள்ளதால் மனுதாரரின் கோரிக்கையை  ஏற்க முடியாது என கூறி மனுவை தள்ளுபடி செய்து உத்தரவிட்டார்.


மேலும் செய்திகள்

Like Us on Facebook Dinkaran Daily News
  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

  • SuperSnowMoon2k19

    அதிக ஒளியுடனும், பூமிக்கு மிக அருகிலும் தெரிந்த சூப்பர் மூன்: ரம்மியமான அரிய நிகழ்வை கண்டு ரசித்த மக்கள்!

  • 20-02-2019

    20-02-2019 இன்றைய சிறப்பு படங்கள்

  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்