SUN குழுமத்திலிருந்து வெளிவரும் காலை நாளிதழ்

உத்தரகாண்ட் மாநிலத்தில் மது விற்பனை 6 மணிநேரம் அதிகரிப்பு

2017-10-12@ 21:15:21

டேராடூன்: பாஜ ஆட்சி நடக்கும் உத்தரகாண்ட் மாநிலத்தில் மது விற்பனை நேரம் 6 மணிநேரம் அதிகரிக்கப்பட்டுள்ளது. மது விற்பனையால் கிடைக்கும் வருவாய் குறைந்ததை தொடர்ந்து இந்த நடவடிக்கை எடுக்கப்பட்டுள்ளது. உத்தரகாண்ட் மாநிலத்தில் பாஜ ஆட்சி நடைபெற்று வருகிறது. நாங்கள் ஆட்சிக்கு வந்தால் மதுக்கடைகளை படிப்படியாக மூடுவோம் என தேர்தல் சமயத்தில் வாக்குறுதி அளித்தது. அதன் அடிப்படையில் கடந்த பட்ஜெட்டின் போது மதுக்கடைகள் திறந்திருக்கும் நேரம் பாதியாக குறைக்கப்பட்டது. 9 மலை மாவட்டங்களில் நண்பகல் 12 மணி முதல் மாலை 6 மணி வரையிலும் இதர 4 மாவட்டங்களில் பிற்பகல் 3 மணியிலிருந்து இரவு 9 மணிவரை மட்டும் மதுக்கடைகள் திறந்திருக்கும் என அறிவித்தது.

இந்நிலையில் மாநிலம் முழுவதும் இனி மேல் காலை 10 மணி முதல் இரவு 10 மணி வரை மதுக்கடைகள் திறந்திருக்கும் என நேற்று அறிவித்துள்ளது. நேற்று நடைபெற்ற அமைச்சரவை கூட்டத்தில் இதற்கான ஒப்புதல் அளிக்கப்பட்டது. மது விற்பனை மூலம் ரூ. 2300 கோடி நிதி திரட்ட இலக்கு வைக்கப்பட்டிருந்தது. இந்த இலக்கை அடைய முடியாத நிலை ஏற்பட்ட காரணத்தால் தற்போது விற்பனை நேரத்தை இரு மடங்காக மாநில அரசு உயர்த்தி இருப்பதாக அரசு செய்தி தொடர்பாளரும் அமைச்சருமான மதன் கவுசிக் செய்தியாளர்களிடம் தெரிவித்தார். பிரதமர் நரேந்திரமோடி அண்மையில் நிகழ்ச்சி ஒன்றில் பேசுகையில், இளைஞர்களை மது அழிவுக்கு அழைத்து செல்வதாக குறிப்பிட்டிருந்தது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • gggooooverrr

    அமெரிக்காவில் கவர்னர் பதவிக்கான போட்டிக் களத்தில் திருநங்கை - தேர்ந்தெடுக்கப்பட்ட முதல் திருநங்கை கவர்னர்

  • affffgaaaaa

    ஆப்கானிஸ்தானில் பள்ளியில் தற்கொலைப்படைத் தாக்குதல் - 48 பள்ளி மாணவர்கள் உயிரிழப்பு

  • iiiiiiiiiiitaaalyyy

    இத்தாலியில் நெடுஞ்சாலைப் பாலம் இடிந்து விழுந்து விபத்து - 39 பேர் பலி

  • keeeraaalaaaa

    கேரளாவில் கனமழை - வெள்ளம், நிலச்சரிவில் சிக்கி பலியானோர் எண்ணிக்கை 70ஆக உயர்வு 14 மாவட்டங்களிலும் 'ரெட்' அலர்ட்

  • buildingggggg1234

    சுதந்திர தின விழா - நாடு முழுவதும் அரசு கட்டிடங்கள் மூவண்ண நிறங்களில் ஜொலித்தது

படங்கள் வீடியோ கல்வி சினிமா ஜோ‌திட‌ம்