SUN குழுமத்திலிருந்து வெளிவரும் காலை நாளிதழ்

பகுஜன், சமாஜ்வாடி அமளி மாநிலங்களவை ஒத்திவைப்ப

2012-12-06@ 00:23:48

புதுடெல்லி: மத்திய அரசுக்கு வெளியில் இருந்து ஆதரவு அளிக்கும் பகுஜன் சமாஜ், சமாஜ்வாடி கட்சிகள் செய்த அமளியால் மாநிலங்களவை நேற்று நாள் முழுவதும் ஒத்திவைக்கப்பட்டது.நேற்று காலை மாநிலங்களவை கூடியதும் பகுஜன் சமாஜ் கட்சித் தலைவர் மாயாவதியும், அவருடைய கட்சி எம்.பி.க்களும் எழுந்து, மும்பையில் உள்ள இந்து மில்லில் அம்பேத்கருக்கு நினைவிடம் கட்டும்படி வலியுறுத்தி அமளியில் ஈடுபட்டனர். இது தொடர்பாக அரசு இன்று அறிக்கை வாசிக்க இருப்பதாக அவையின் தலைவர் ஹமீத் அன்சாரி தெரிவித்தார். அதை ஏற்காத மாயாவதி, கேள்வி நேரத்தை ஒத்திவைத்து விட்டு அரசின் அறிவிப்பை வெளியிட வேண்டும் என்று வலியுறுத்தினார். அவர்களை அமைதிப்படுத்த அன்சாரி எடுத்த முயற்சி தோல்வி அடைந்ததால், பகல் 12 மணி வரை அவையை ஒத்திவைத்தார்.பின்னர் அவை கூடியபோது, நாடாளுமன்ற விவகாரத் துறை இணையமைச்சர் ராஜீவ் சுக்லா, அரசின் அறிக்கையை வாசித்தார். அதில், ‘இந்து மில் நிலத்தை நினைவிட பயன்பாட்டுக்காக மகாராஷ்டிரா அரசுக்கு ஒதுக்க மத்திய அரசு பரிசீலித்து வருகிறது’ என்று தெரிவித்தார். இதைத் தொடர்ந்து, நினைவிடம் கட்டுவதற்கான திட்டம், அதற்கான தொகை எவ்வளவு, நினைவிடத்தை கட்டுவதற்கான காலகெடுவை தெரிவிக்கும்படி மாயாவதி கேட்டார். அதற்கு, ஜவுளித் துறை அமைச்சர் ஆனந்த் சர்மா விளக்கம் அளிப்பார் என்று பதில் அளிக்கப்பட்டதை தொடர்ந்து, பகுஜன் சமாஜ் கட்சி உறுப்பினர்கள் அமைதியாகினர்.இதைத் தொடர்ந்து, அரசுப் பணி பதவி உயர்வில் எஸ்.சி., எஸ்.சி. பிரிவினருக்கு இடஒதுக்கீடு செய்யப்பட்டதை எதிர்த்து சமாஜ்வாடி உறுப்பினர்கள் கோஷமிட்டதால் அவையை நடத்த முடியாத சூழ்நிலை ஏற்பட்டது. இதனால், எதிர்க்கட்சி தலைவர் அருண் ஜெட்லி கோபமடைந்தார். ‘‘அரசும், அதன் கூட்டணி கட்சிகளும் அவையை நடத்த விடக்கூடாது என்ற பாணியில் செயல்படுகின்றன. அவையை நடத்த அரசு விரும்புகிறதா? இல்லையா? என்பதை பிரதமர் வந்து தெரிவிக்க வேண்டும்’’ என்று வலியுறுத்தினார். இருப்பினும், அமளி தொடர்ந்ததால், அவையை நாள் முழுவதும் ஒத்திவைப்பதாக அவையின் துணைத் தலைவர் குரியன் அறிவித்தார்.

abilify and coke abilify maintena abilify and coke


மேலும் செய்திகள்

Like Us on Facebook Dinkaran Daily News
  • 29-02-2020

    29-02-2020 இன்றைய சிறப்பு படங்கள்

  • DelhiBackToNormal282

    வன்முறை ஓய்ந்த நிலையில் படிப்படியாக இயல்பு நிலைக்கு திரும்பும் வடகிழக்கு டெல்லி: புகைப்படங்கள்

  • president20

    எகிப்தில் முன்னாள் ஜனாதிபதி ஹொஸ்னி முபாரக் காலமானார்: இராணுவ இறுதி சடங்கு செலுத்தி ஆதரவாளர்கள் அஞ்சலி

  • saudipudhuvellai11

    ‘புது வெள்ளை மழை இங்கு பொழிகின்றது’.. சவூதி அரேபியா பாலைவனங்களில் அரிதான பனிப்பொழிவு

  • vaanvali20

    சிரியா வான்வெளி தாக்குதலில் துருக்கி ராணுவ வீரர்கள் 33 பேர் பரிதாப உயிரிழப்பு!

படங்கள் வீடியோ கல்வி சினிமா ஜோ‌திட‌ம்