SUN குழுமத்திலிருந்து வெளிவரும் காலை நாளிதழ்

இந்தியா - சீனா போர் பதற்றம் எதிரொலி மும்பை பங்குசந்தைக்கு ரூ.6 லட்சம் கோடி இழப்பு

2017-08-13@ 01:44:15

மும்பை : மும்பை பங்கு சந்தை கடந்த 4 நாட்களில் ரூ. 6 லட்சம் கோடி அளவுக்கு இழப்பை சந்தித்துள்ளது. இந்தியா - சீனா போர், அமெரிக்க வடகொரியா போர் அச்சம் காரணமாக முதலீட்டாளர்கள் பங்குகளை விற்க தொடங்கியதால் இந்த சரிவு ஏற்பட்டிருப்பதாக கூறப்படுகிறது. மும்பை பங்கு சந்தை அண்மையில் 30 ஆயிரம் புள்ளிகளை கடந்து புதிய சாதனை படைத்தது. ஐக்கிய முற்போக்கு கூட்டணி ஆட்சி காலத்தில் 20 ஆயிரம் புள்ளிகளை கடந்ததே சாதனையாக கருதப்பட்டது. கடந்த 7ம் தேதி மும்பை பங்கு சந்தையின் மதிப்பு ரூ. 139 லட்சம் கோடியாக உச்சத்தில் இருந்தது. கடந்த 4 நாட்களில் இதன் மதிப்பு ரூ. 133 லட்சம் கோடியாக சரிந்து விட்டது. அதாவது கடந்த 4 நாட்களில் சுமார் 1000 புள்ளிகளை மும்பை பங்கு சந்தை இழந்துள்ளது.

இதன் மூலம் ரூ. 6 லட்சம் கோடி இழப்பை மும்பை பங்கு சந்தையும், அதில் பதிவு செய்துள்ள நிறுவனங்கள் மற்றும் முதலீட்டாளர்கள் சந்தித்துள்ளனர். இதற்கு முக்கிய காரணமாக வடகொரியா அமெரிக்க போா் பதற்றம், சிக்கிம் எல்லையில் இந்தியா - சீனா போர் பதற்றம் கூறப்படுகிறது. இது தவிர 331 ஷெல் கம்பெனிகளில் பங்குகள் பரிவர்த்தனை கூடாது என  கடந்த செவ்வாய்க்கிழமை முதல் செபி தடை விதித்திருப்பதும் காரணமாக கருதப்படுகிறது. வடகொரியா போர் பதற்றம் உலக நாடுகளின் பங்கு சந்தையிலும் கடும் தாக்கத்தை ஏற்படுத்தியுள்ளது. அமெரிக்காவில் டோ ஜோன் மற்றும் எஸ் அண்டு பி பங்கு சந்தை தலா 1 சதவீதம் மற்றும் 1.45 சதவீதம் சரிந்துள்ளன. இங்கிலாந்து பங்குசந்தை 1.5 சதவீத சரிவை சந்தித்துள்ளது.

மேலும் செய்திகள்

Like Us on Facebook Dinkaran Daily News
  • 23-07-2018

    23-07-2018 இன்றைய சிறப்பு படங்கள்

  • 22-07-2018

    22-07-2018 இன்றைய சிறப்பு படங்கள்

  • 21-07-2018

    21-07-2018 இன்றைய சிறப்பு படங்கள்

  • DryingClothingfestival

    சீனாவில் வருடாந்திர உலர்த்தும் ஆடை திருவிழா: பாரம்பரிய ஆடைகளை நெய்து விழாவை சிறப்பித்த பெண்கள்

  • unmanedbookshopchina

    சீனாவின் அதிநவீன தொழில்நுட்பத்துடன் கூடிய மிகப்பெரிய ஆளில்லா புத்தக நிலையம் திறப்பு

படங்கள் வீடியோ கல்வி சினிமா ஜோ‌திட‌ம்