SUN குழுமத்திலிருந்து வெளிவரும் காலை நாளிதழ்

கார் ஏசி இயக்கும்போது கவனிக்க வேண்டிய விஷயங்கள்...

2017-08-13@ 01:24:29

கே ாடைகாலம் என்றில்லை, எல்லா காலத்திலும் காரில் ஏசி சிஸ்டத்தின் பயன்பாடு இன்றைக்கு இன்றியமையாத ஒன்றாக இருக்கிறது. கார் ஏசி சிஸ்டத்தை முறையாக கையாண்டால், பிரச்னை இல்லாத சுகமான பயணத்திற்கு வழி வகுக்கும். கார் ஏசி சிஸ்டத்தை முறையாக கையாள்வதன் மூலமாக பல அனுகூலங்களை பெற முடியும். எந்தெந்த நேரத்தில் கார் ஏசியை எவ்வாறு இயக்குவது என்பது குறித்த சில வழிகாட்டுதல்கள் இங்கே...

* கோடை நேரத்தில் பூட்டியிருக்கும் காரின் கேபினுக்குள் அதிக வெப்பக்காற்று தங்கியிருக்கும். எனவே, காரின் கதவுகளை சில நிமிடங்கள் திறந்து வைத்துவிட்டு, சூடான காற்று வெளியேறியவுடன் ஏசியை ஆன் செய்யவும். ஜன்னல்களும் சிறிது நேரம் திறந்து வைத்திருப்பதும் நலம்தான்.

* அதேபோன்று, கார் ஏசியை ஆன் செய்துவிட்டாலும், கதவு ஜன்னலை சிறிதளவு இடைவெளி விட்டு திறந்து வைப்பதன் மூலமாக காருக்குள் இருக்கும் சூடான காற்று வெளியேற உதவும். மேலும், வைசர் பொருத்தியிருந்தால், மழை நேரங்களில்கூட இதுபோன்று ஜன்னல்களை திறந்துவைத்து செல்ல முடியும். இதனால், கார் விண்ட்ஷீல்டில் வெண் படலம் படர்வதை தவிர்க்க உதவும்.

* காரை ஸ்டார்ட் செய்து ஏசியை ஆன் செய்த உடனே ஏசி சுவிட்சுக்கு அருகில் இருக்கும் கேபின் காற்றை மறுசுழற்சி செய்து தரும் பட்டனை ஆஃப் செய்துவிடவும். இதனால், கேபினில் உள்ள சூடான காற்று, பிளாஸ்டிக் பாகங்களால் வரும் நெடி மற்றும் நச்சுக் காற்றை ஏசி மூலமாக வெளியேற்ற முடியும். சிறிது நேரம் கழித்து காற்று மறுசுழற்சி பட்டனை ஆன் செய்யவும்.

* இதேபோன்று, வெளிப்புறத்தில் இருந்து கெட்ட வாடை காருக்குள் வருவதை தவிர்க்க, மறுசுழற்சி செய்யும் வசதியை ஆனில் வைத்தே செல்லவேண்டும். பெரும்பாலும் இந்த காற்று மறுசுழற்சி மோடில் வைத்தே ஏசியை இயக்குவது அவசியம்.

* மேனுவல் ஏசி காராக இருந்தால், ஏசி மெஷினை ஆன் செய்தவுடன் விசிறியின் வேகத்தை அதிகமாக வைக்கவும். அதேவேளையில், க்ளைமேட் கன்ட்ரோல் ஏசி வசதி இருந்தால் ஆரம்பத்தில் ஃபேன் வேகத்தை குறைவாக வைப்பது நல்லது. பின்னர், ஃபேன் வேகத்தை அட்ஜெஸ்ட் செய்து கொள்ளவும்.

* அதாவது, ஏசி மெஷினிலிருந்து உலர் காற்று விண்ட்ஷில்டின் உட்புறத்தில் பீய்ச்சி அடிக்கும். வெளிப்புறத்தைவிட உட்புறத்தில் குளிர்ச்சி
அதிகமாக இருக்கும்போது விண்ட்ஷீல்டில் வெண் படலம் சீக்கிரம் போகாது. அப்போது, ஹீட்டர் மோடிற்கு ஏசி சிஸ்டத்தை மாற்றிக்கொள்வதுடன், விசிறியின் வேகத்தை அதிகபட்சமாக வைத்தால் உடனடியாக மறைந்துபோகும். மேலும், ஏசி.,யின் குளிர்ச்சியான மோடில் வைத்து இயக்கினால் வெண்படலம் மறையும். ஆனால், சற்று நேரமெடுத்துக்கொள்ளும்.

* மழை நேரத்தில் காரின் முன்புற கண்ணாடியில் வெண் படலம் படருவதை தவிர்க்க ஏசி சிஸ்டத்தின் டீ-மிஸ்ட் மோடில் வைத்துக்கொள்ளுங்கள். பூதாகரமாக நினைத்துக்கொள்ள வேண்டாம். காற்று மேலே செல்வது போல அம்புகுறியிடப்பட்டு கடைசி ஆப்ஷனாக இருக்கும்.

* ஆனால், அதிக வெப்பத்தில் தொடர்ந்து வைக்க வேண்டாம். வெண்படலம் மறைந்த பின்னர், உடனடியாக விசிறியின் வேகத்தை இரண்டாவது பாயிண்டிற்கு கொண்டு வந்துவிடுங்கள். இதன்மூலமாக, மிதமான வெப்பத்தில் சிறப்பான பயணத்தை அனுபவிக்க முடியும்.

* கார் ஏசி சிறப்பாக இயங்குவதற்கு சிறந்த பராமரிப்பும் அவசியம். ஏசி கம்ப்ரெஷர், ஏசி மெஷினில் கேஸ் எந்தளவு உள்ளது என்பதை அவ்வப்போது சோதித்து விடுங்கள். மேலும், ஏசியை சுத்தம் செய்வதும் அவசியம். பூஞ்சைகள், பாக்டீரியா போன்றவை அங்கே குடியேறாமல் பார்த்துக்கொள்வதும் நல்லது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • Christiansmanila

    மணிலாவில் கத்தோலிக்க கிறிஸ்தவர்களின் புனித நீர்தெளிப்பு திருவிழா : ஏராளமானோர் பங்கேற்பு

  • 22-01-2018

    22-01-2018 இன்றைய சிறப்பு படங்கள்

  • 21-01-2018

    21-01-2018 இன்றைய சிறப்பு படங்கள்

  • Hungarystudentsstruggle

    ஹங்கேரியில் கல்வி தரத்தை உயர்த்த கோரி ஆயிரக்கணக்கணக்கான மாணவர்கள் போராட்டம்

  • colambiaparaglidingworldcup

    கொலம்பியாவில் உலகக் கோப்பை பாராகிளைடிங் போட்டி: பல்வேறு பகுதியிலிருந்து வீரர்கள் உற்சாகமாக பங்கேற்பு

படங்கள் வீடியோ கல்வி சினிமா ஜோ‌திட‌ம்