SUN குழுமத்திலிருந்து வெளிவரும் காலை நாளிதழ்

ரயில்வே பாதைக்காக வீடுகள் அகற்றம் மாற்று இடம் வழங்க கோரி தாசில்தார் அலுவலகம் முற்றுகை

2017-07-18@ 01:12:58

திருவொற்றியூர்: ரயில்வே பாதைக்காக வீடுகள் அகற்றப்பட்டதால், தங்களுக்கு அடுக்குமாடி குடியிருப்பில் வீடுகள் வழங்க வேண்டும் என பொதுமக்கள் தாலுகா அலுவலகத்தை நேற்று முற்றுகையிட்டு ஆர்ப்பாட்டம் நடத்தினர். சென்னை சென்ட்ரலில் இருந்து கும்மிடிப்பூண்டி வரை ரயில்வே தண்டவாளத்தின் 4வது பாதை அமைக்கும் பணி நடந்து வருகிறது. இதற்காக, திருவொற்றியூர் அருகே ஒத்தவாடை தெருவில் இருந்து சுமார் 1 கி.மீ. தூரத்துக்கு ரயில்வே துறைக்கு சொந்தமான இடத்தில் கட்டப்ட்டு இருந்த 350க்கு மேற்பட்ட வீடுகள், கட்டிடங்கள் அகற்றப்பட்டன. இதில், பாதிக்கப்பட்டவர்களுக்கு கும்மிடிப்பூண்டி அருகே மாதர்பாக்கத்தில் இடம் ஒதுக்கப்பட்டுள்ளது. ஆனால், இப்பகுதி மக்கள் அங்கு செல்வதற்கு மறுப்பு தெரிவித்து வருகின்றனர்.

மாணவர்களின் படிப்பு, தொழில், வியாபாரம் என அனைத்தும் பாதிக்கப்படும் என்றும், எர்ணாவூர் சுனாமி நகரில் உள்ள குடிசை மாற்று வாரிய அடுக்கு மாடி குடியிருப்பில் வீடுகள் ஒதுக்கி தரவேண்டும் எனவும் கோரிக்கை விடுத்து வருகின்றனர். இந்நிலையில், தங்களது கோரிக்கையை வலியுறுத்தி முன்னாள் நகராட்சி தலைவர் ஜெயராமன் தலைமையில் 150க்கு மேற்பட்டோர் திருவொற்றியூர் தாலுகா அலுவலகம் முன்பு நேற்று திரண்டனர். ரயில்வே பாதை அமைப்பதால் பாதிக்கப்படும் ஒத்தவாடை தெரு மக்களுக்கு சுனாமி குடியிருப்பு வீடு வழங்க வேண்டும் என கோஷமிட்டனர்.

தகவலறிந்து அங்கு வந்த வருவாய் துறை அதிகாரிகள் ஆர்ப்பாட்டத்தில் ஈடுபட்டவர்களிடம் சமரசம் பேசினர். பின்னர், அவர்களது கோரிக்கை மனுவை, தாசில்தார் செந்தில்நாதனிடம் கொடுத்துவிட்டு, அங்கிருந்து கலைந்து சென்றனர். இச்சம்பவத்தால் அப்பகுதியில் பெரும் பரபரப்பு ஏற்பட்டது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 24-06-2018

    24-06-2018 இன்றைய சிறப்பு படங்கள்

  • kmkharippastatue

    சென்னையில் இந்திய ராணுவத்தின் முதல் தலைமைத் தளபதி கே.எம்.கரியப்பாவின் சிலை திறப்பு!

  • Stalinarrestvolunteersstirstir

    தி.மு.க. தொண்டர்களுடன் மு.க.ஸ்டாலின் கைது: தமிழகம் முழுவதும் பல்வேறு இடங்களில் சாலை மறியல்

  • president_kovindh_cuba123

    கியூபாவில் உள்ள பிடல் காஸ்ட்ரோ மற்றும் ஜோஸ் மார்டி நினைவிடத்தில் ஜனாதிபதி ராம்நாத் கோவிந்த் மரியாதை!

  • RePlantingCanada

    அழிந்துவரும் காடுகளை மீட்கும் நடவடிக்கையில் ஈடுபட்டுள்ள கனடா நாட்டு மக்கள்: வருவாயும் கிடைப்பதால் மகிழ்ச்சி

படங்கள் வீடியோ கல்வி சினிமா ஜோ‌திட‌ம்