SUN குழுமத்திலிருந்து வெளிவரும் காலை நாளிதழ்

சசிகலாவை சிறைக்கு சென்று சந்தித்த அமைச்சர்கள் தகுதியிழப்பு வழக்கு ஐகோர்ட்டில் தீர்ப்பு ஒத்திவைப்பு

2017-07-18@ 00:51:13

மதுரை: அமைச்சர்களை தகுதி இழப்பு செய்யக்கோரும் மனு மீதான தீர்ப்பை நீதிபதிகள் ஒத்திவைத்தனர். விருதுநகர் மாவட்டம், திருவில்லிபுத்தூரை சேர்ந்த அதிமுக பிரமுகர் ஆணழகன், ஐகோர்ட் மதுரை கிளையில் தாக்கல் செய்த மனு:  உச்சநீதிமன்றத்தால் தண்டிக்கப்பட்ட குற்றவாளியான சசிகலாவை அமைச்சர்கள் சந்திப்பது அரசியலமைப்பு சட்டத்துக்கு எதிரானது. அமைச்சர்களின் இந்த செயலை முதல்வரும் கண்டிக்கவில்லை.
எனவே, முதல்வர் மற்றும் அமைச்சர்களை அவர்களது எம்எல்ஏ பதவியிலிருந்து தகுதி இழப்பு ெசய்ய வேண்டுமென, சபாநாயகர் மற்றும் சட்டப்பேரவை செயலர் ஆகியோரிடம் மனு அளித்தேன். அவர்கள் நடவடிக்கை எடுக்கவில்லை. எனது மனுவை கவர்னருக்கு அனுப்பி, அவர் நடவடிக்கை எடுக்க உத்தரவிட வேண்டும். இவ்வாறு மனுவில் கூறியிருந்தார்.

இந்த மனுவை நீதிபதிகள் கே.கே.சசிதரன், ஜி.ஆர்.சுவாமிநாதன் ஆகிேயார் நேற்று விசாரித்தனர். அப்போது மனுதாரர் வக்கீல் ஆனந்தமுருகன் ஆஜராகி, ‘மக்கள் பிரதிநிதிகளை தகுதியிழப்பு செய்யக்கோரி யார் வேண்டுமானாலும் மனு செய்யலாம். அவர்களது மனுவை முற்றிலும் பரிசீலித்து கவர்னர் மட்டுமே முடிவெடுக்க முடியும். முன்னதாக தேர்தல் ஆணையத்திடம் கருத்து ேகட்க வேண்டுமென ஒரு வழக்கில், கடந்த 1965ல் உச்சநீதிமன்றம் கூறியுள்ளது’ என்றார்.

 அப்போது குறுக்கிட்ட நீதிபதிகள், ‘எந்த அடிப்படையில் தகுதி இழப்பு செய்ய கோருகிறீர்கள்’ என்றனர். மனுதாரர் வக்கீல், ‘அதிமுகவின் செய்தி தொடர்பாளரான கவுரி சங்கர், சிறையிலுள்ள சசிகலா உத்தரவுப்படியே அரசு செயல்படுவதாக கூறியுள்ளார். அது தொடர்பான செய்திகள் ஆதாரமாக உள்ளது’ என்றார். இதையடுத்து மனுவின் மீது உரிய உத்தரவு பிறப்பிப்பதாக கூறிய நீதிபதிகள், ஆக. 1க்கு வழக்கை ஒத்தி வைத்தனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • indhiya_raanuvam111

    சீன ராணுவத்தினரை எதிர்கொள்ள இந்திய - சீன எல்லையில் 8000 படைகளை குவித்துள்ள இந்திய ராணுவம்

  • anbalagan_11

    சர்க்கரை விலை உயர்வை கண்டித்து திமுக மாவட்ட செயலாளர் அன்பழகன் தலைமையில் கட்சியினர் ஆர்ப்பாட்டம்

  • padmavathi_bram_fn

    பிரம்மோற்சவ விழாவை முன்னிட்டு பத்மாவதி தாயார் நான்கு மாட வீதியில் பவனி வந்த காட்சிகள்

  • mayilapore_vaguppu11

    மயிலாப்பூர் காவல் நிலையத்தில் பள்ளி மாணவர்களுக்கு காவல்நிலைய பணிகள் மற்றும் பயன்பாடு குறித்து விழிப்புணர்வு வகுப்பு

  • AshokKumarsuicide

    சினிமா தயாரிப்பாளர் அசோக்குமார் தற்கொலை: பிரேத பரிசோதனை முடிந்து சொந்த ஊருக்கு கொண்டு செல்லப்பட்டது

படங்கள் வீடியோ கல்வி சினிமா ஜோ‌திட‌ம்