SUN குழுமத்திலிருந்து வெளிவரும் காலை நாளிதழ்

தண்ணியில்லா காட்டில் மணப்பெண் சீதனமாக தண்ணீர் தள்ளுவண்டி : எல்லாம் பஞ்சம் படுத்தும்பாடு

2017-07-17@ 11:45:20

சாயல்குடி:  ராமநாதபுரம் மாவட்டத்தில் கல்யாண சீர்வரிசையுடன் தண்ணீர் பிடிக்கும் தள்ளுவண்டியையும் வழங்குவது அதிகரித்து வருகிறது. ராமநாதபுரம் மாவட்டத்தில் கடலாடி, சாயல்குடி மற்றும் முதுகுளத்தூர் பகுதிகளில், 800க்கும் மேற்பட்ட கிராமங்களில் கடும் குடிநீர் தட்டுப்பாடு நிலவி வருகிறது. இங்கு வாரத்திற்கு ஒருமுறைதான் குடிநீர் விநியோகிக்கப்படுகிறது. அதுவும் ஒரு குடம், இரண்டு குடம்தான் கிடைக்கிறது. இதனால் பல கிமீ தூரம் சென்று காவிரி குழாயில் கசியும் தண்ணீர் மற்றும் அருகே உள்ள கிராமங்களுக்கு சென்று தண்ணீர் பிடித்து வருகின்றனர்.

நீண்ட தூரம் குடங்களை தூக்கி சுமக்க முடியாததால், இப்பகுதி மக்கள் தள்ளுவண்டியை பயன்படுத்தி வருகின்றனர். ஒரு வண்டியில் அதிகபட்சமாக 5 குடம் வரை எடுத்து செல்லலாம். ‘தண்ணியில்லா காடு’ என பெயர் பெற்ற ராமநாதபுரம் மாவட்டத்தில், தண்ணீர் பஞ்சம் தவிர்க்க முடியாது என்பதால், தள்ளுவண்டி இப்பகுதி மக்களின் அத்தியாவசிய பொருளாகவே மாறிவிட்டது. இது ஒருபுறமிருக்க, இம்மாவட்டத்தில் மணப்பெண்ணுக்கான கல்யாண சீர்வரிசையிலும் தள்ளுவண்டி இடம் பெற்றுள்ளதுதான் இன்பத்திலும் உள்ள துன்பம்.

இதுகுறித்து கடலாடியை சேர்ந்த பசுபதி கூறுகையில், ‘‘எங்கள் பகுதி மக்கள் சுமார் 2 கிமீ தூரம் நடந்து சென்று காவிரி குழாயில் வழியும் தண்ணீரை பிடித்து வருகின்றனர். இதற்காக எடுத்துச்செல்லும் தள்ளுவண்டியை, இரும்பு பட்டறைகளில் ரூ.3,500 முதல் விலைக்கு வாங்கி வருகிறோம். எனது மகள்கள் இருவருக்கும் தள்ளுவண்டிகளை சீதனமாக வழங்கியுள்ளேன். தமிழக அரசு எங்கள் மாவட்டத்தில் குடிநீர் நிலையை மனதில் கொண்டு, மானிய விலையில் தள்ளுவண்டியை வழங்க ஏற்பாடு செய்ய வேண்டும்’’என்றார்.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-04-2018

    23-04-2018 இன்றைய சிறப்பு படங்கள்

  • Dinakaran_Education_Expo

    சென்னையில் தினகரன் நாளிதழின் கல்விக் கண்காட்சி கோலாகலமாக தொடங்கியது

  • mald123

    உலகிலேயே முதல்முறையாக கடலுக்கு அடியில் சொகுசுவிடுதி... மாலத்தீவில் நவம்பர் மாதம் திறப்பு!

  • Marijuana420Festival

    போதை பொருளான கஞ்சாவை, சட்டபூர்வமாக உபயோகிக்கும் 420 திருவிழா: உலகம் முழுவதும் கொண்டாட்டம்

  • milkcenterchennai

    சென்னையில் 24 மணி நேர பால் விற்பனை மையம் : அமைச்சர் ராஜேந்திர பாலாஜி தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்