SUN குழுமத்திலிருந்து வெளிவரும் காலை நாளிதழ்

தேர்வு செய்தவர்களில் பலர் ஆப்சென்ட் ஆனதால் 25% ஒதுக்கீட்டில் தனியார் பள்ளிகளில் இன்று மீண்டும் குழந்தைகள் சேர்க்கை

2017-06-20@ 01:29:57

சென்னை: சென்னை கலெக்டர் அன்புச்செல்வன் வெளியிட்ட செய்தி குறிப்பு: குழந்தைகளுக்கான இலவச மற்றும் கட்டாயக் கல்வி உரிமைச் சட்டம், 2009, சட்டப் பிரிவு 12 (1)  (சி)ன் கீழ் சிறுபான்மையற்ற தனியார் சுயநிதிப் பள்ளிகளில் நுழைவு நிலை வகுப்பில்  25 சதவீத ஒதுக்கீட்டில் வாய்ப்பு மறுக்கப்பட்ட மற்றும்  நலிவடைந்த  பிரிவினரின் குழந்தைகளுக்கான சேர்க்கை இணைய வழியாக மேற்கொள்ளப்பட்டுவருகிறது. சேர்க்கைக்கான குழந்தைகளை தேர்வு செய்யும் பணி 31.5.17 அன்று அனைத்துப் பள்ளிகளிலும் நடந்தது. தேர்வு செய்யப்பட்ட குழந்தைகளில் ஒருசிலர் சேர்க்கைக்கு வராத காரணத்தால் நிலுவையாக உள்ள காலியிடங்களுக்கு சம்பந்தப்பட்ட பள்ளிகளில் 20ம் தேதி (இன்று) காலை 10 மணிக்கு துறை சார்ந்த பிரதிநிதி முன்னிலையில் சேர்க்கை வழங்கப்பட உள்ளது.

எனவே, ஏற்கனவே இணைய வழியாக விண்ணப்பித்துச் சேர்க்கைக்கு தேர்வு செய்யப்படாத குழந்தைகளின் பெற்றோர்கள் சம்பந்தப்பட்ட பள்ளிக்குச் சென்று காலியாக உள்ள இடத்தில் சேர்க்கை பெற்றுக்கொள்ளலாம். இவ்வாறு அறிக்கையில் கூறி உள்ளார். 25 சதவீத ஒதுக்கீட்டின் கீழ் இந்த ஆண்டு 79,842 பேர் விண்ணப்பித்திருந்தனர். நிர்ணயிக்கப்பட்ட இடங்களை விட கூடுதலாக விண்ணப்பங்கள் பெறப்படும் பள்ளிகளில் கல்வி மற்றும் வருவாய் துறை அதிகாரிகள் முன்னிலைளில் குலுக்கல் நடத்தப்பட்டு மாணவர்கள் தேர்வு செய்யப்படுகின்றனர். அந்த வகையில், கடந்த 31ம் தேதி தனியார் பள்ளிகளில் குலுக்கல் நடந்தது. ஆனால், பல பள்ளிகளில் விதியை மீறி விண்ணப்பித்த பெற்றோர்களை அனுமதிக்காமல் தங்களுக்கு வேண்டப்பட்டவர்களை வைத்து குலுக்குல் நடத்தியதாக புகார் எழுந்தது. இதனால் ஏழை, எளிய மாணவர்கள் பலருக்கு வாய்ப்பு மறுக்கப்பட்டது.

இதுகுறித்து, சென்னை கலெக்டர் அன்புச்செல்வனிடம் கேட்டபோது, ‘ஏழை குழந்தைகள் இத்திட்டத்தில் பயன்பெறுவதை உறுதி செய்யும் வகையில் இந்த ஆண்டு முதல் ஆன்லைனில் விண்ணப்பங்கள் பெறப்பட்டன. இதன் மூலம் முறைகேட்ைட நீங்கள் கூறுவதுபோன்ற புகார் இதுவரை என் கவனத்துக்கு வரவில்லை. குறிப்பிட்ட பள்ளிகள் மீது புகார் வந்தால் நிச்சயம் நடவடிக்கை எடுக்கப்படும்’ என்றார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • JustinTrutto

    கனடா நாட்டு பிரதமர் ஜஸ்டின் ட்ருடோ குடும்பத்தினருடன் இந்தியா வருகை

  • 19-02-2018

    19-02-2018 இன்றைய சிறப்பு படங்கள்

  • 18-02-2018

    18-02-2018 இன்றைய சிறப்பு படங்கள்

  • policecampchennai

    சென்னையில் காவலர் குறைதீர்ப்பு முகாம்: காவல்துறை தலைவர் டி.கே.ராஜேந்திரன் பங்கேற்பு

  • 2018Underwaterphotos

    2018ம் ஆண்டின் நீருக்கடியில் எடுத்த சிறந்த புகைப்படங்களுக்கான விருதுகளை பெற்ற படங்களின் தொகுப்பு..

படங்கள் வீடியோ கல்வி சினிமா ஜோ‌திட‌ம்