புதுடெல்லி: பத்து கிராம் எடை கொண்ட சுத்த தங்கத்தின் விலை நேற்று ரூ.70 குறைந்தது. வெள்ளி விலையும் கிலோவுக்கு ரூ.100 குறைந்தது. உலகளவில் தங்கத்துக்கான தேவை குறைந்து வருகிறது. டெல்லியிலும் நகைக் கடை அதிபர்கள் இதை வாங்க போதிய ஆர்வம் காட்டவில்லை. இதுபோன்ற காரணங்களால், 10 கிராம் சுத்த தங்கத்தின் விலை ரூ.70 குறைந்து, ரூ.29,100 க்கு விற்கப்பட்டது. கடந்த சனிக்கிழமை இதன் விலை ரூ.55 அதிகரித்தது.  ஒரு சவரன் ( 8 கிராம்) விலை மாற்றமின்றி ரூ.24,400க்கு வர்த்தகம் ஆனது. தொழில் துறையினர், நாணயத் தயாரிப்பாளர்களின் குறைந்த ஆர்வம் காரணமாக, வெள்ளி விலை கிலோவுக்கு ரூ.100 குறைந்து ரூ.38,700 க்கு விற்கப்பட்டது. வார அடிப்படையில் இது ரூ.120 குறைந்து ரூ.38,360 ஆக இருந்தது. 100 எண்ணிக்கையிலான வெள்ளி நாணயங்களின் வாங்கும் விலை ரூ.1,000 குறைந்து ரூ.71,000 ஆகவும், விற்கும் விலை ரூ.72,000 ஆகவும் இருந்தது.