SUN குழுமத்திலிருந்து வெளிவரும் காலை நாளிதழ்

பூம்ரா, கரண் அபார பந்துவீச்சு பைனலில் மும்பை

2017-05-20@ 06:18:18

பெங்களூரு: நைட் ரைடர்ஸ் அணியுடனான ‘குவாலிபயர் 2’ ஆட்டத்தில் 6 விக்கெட் வித்தியாசத்தில் வென்ற மும்பை இந்தியன்ஸ் அணி பைனலுக்கு முன்னேறியது. பெங்களூரு எம்.சின்னசாமி ஸ்டேடியத்தில் நேற்று இரவு நடந்த இப்போட்டியில், டாசில் வென்ற மும்பை அணி முதலில் பந்துவீசியது. ஜஸ்பிரித் பூம்ரா, கரண் ஷர்மாவின் துல்லியமான பந்துவீச்சை சமாளிக்க முடியாமல் திணறிய கொல்கத்தா அணி 18.5 ஓவரில் 107 ரன் மட்டுமே சேர்த்து ஆல் அவுட்டானது. சூரியகுமார் அதிகபட்சமாக 31 ரன் எடுத்தார். ஜக்கி 28, கேப்டன் கம்பீர் 12, நரைன் 10 ரன் எடுக்க, மற்ற வீரர்கள் ஒற்றை இலக்க ரன்னில் ஆட்டமிழந்து ஏமாற்றமளித்தனர்.

மும்பை பந்துவீச்சில் கரண் 4 ஓவரில் 16 ரன் விட்டுக் கொடுத்து 4 விக்கெட் கைப்பற்றினார். பூம்ரா 3 ஓவரில் 1 மெய்டன் உட்பட 7 ரன்னுக்கு 3 விக்கெட் வீழ்த்தினார். ஜான்சன் 2, மலிங்கா 1 விக்கெட் எடுத்தனர். அடுத்து களமிறங்கிய மும்பை இந்தியன்ஸ் 14.3 ஓவரில் 4 விக்கெட் இழப்புக்கு 108 ரன் எடுத்து வென்றது. குருனல் பாண்டியா அதிகபட்சமாக ஆட்டமிழக்காமல் 42 ரன் (30 பந்து, 7 பவுண்டரி) விளாசினார். கேப்டன் ேராகித் ஷர்மா 26, பார்திவ் படேல் 14 ரன் எடுத்தனர். இதையடுத்து, ஐபிஎல் டி20 தொடரின் 10வது சீசன் இறுதிப் போட்டியில் ரைசிங் புனே சூப்பர் ஜயன்ட் - மும்பை இந்தியன்ஸ் அணிகள் நாளை மோதுகின்றன. இப்போட்டி, ஐதராபாத் ராஜிவ் காந்தி சர்வதேச ஸ்டேடியத்தில் இரவு 8.00 மணிக்கு தொடங்குகிறது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • kmkharippastatue

    சென்னையில் இந்திய ராணுவத்தின் முதல் தலைமைத் தளபதி கே.எம்.கரியப்பாவின் சிலை திறப்பு!

  • Stalinarrestvolunteersstirstir

    தி.மு.க. தொண்டர்களுடன் மு.க.ஸ்டாலின் கைது: தமிழகம் முழுவதும் பல்வேறு இடங்களில் சாலை மறியல்

  • president_kovindh_cuba123

    கியூபாவில் உள்ள பிடல் காஸ்ட்ரோ மற்றும் ஜோஸ் மார்டி நினைவிடத்தில் ஜனாதிபதி ராம்நாத் கோவிந்த் மரியாதை!

  • RePlantingCanada

    அழிந்துவரும் காடுகளை மீட்கும் நடவடிக்கையில் ஈடுபட்டுள்ள கனடா நாட்டு மக்கள்: வருவாயும் கிடைப்பதால் மகிழ்ச்சி

  • 23-06-2018

    23-06-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்