SUN குழுமத்திலிருந்து வெளிவரும் காலை நாளிதழ்

பொது இடங்களை மாற்றுத்திறனாளிகளுக்கு உகந்ததாக மாற்ற மத்திய அரசுக்கு அறிவுரை

2017-05-20@ 01:45:52

புதுடெல்லி: பொது இடங்களில் மாற்றுத் திறனாளிகள் எளிதாக சென்று வரும் வகையில் வசதிகளை அளிப்பதுடன் இது குறித்த தணிக்கையை மத்திய அரசு மேற்கொள்ள வேண்டும் என டெல்லி உயர்நீதிமன்றம் உத்தரவிட்டுள்ளது. நிபுன் மல்ஹோத்ர என்பவர் தாக்கல் செய்த பொது நலன் வழக்கு தலைமை நீதிபதி (ெபாறுப்பு) கீதா மித்தல், நீதிபதி நவீன் சாவ்லா ஆகியோர் அடங்கிய அமர்வு முன்பாக வந்தது. அப்போது நீதிபதிகள் கூறியதாவது. இப்பிரச்னை மிக முக்கியமானது. டெல்லியின் கட்டட விதிகளை மத்திய அரசு ஆராய்ந்து அதில் மாற்றுத் திறனாளிகள் செல்லும் வகையிலான வசதிகளை தர விதிகள் உள்ளதா இல்லையா என்பதை உறுதி செய்ய வேண்டும். முந்தைய உத்தரவில், வாகன நிறுத்துமிடங்களில் மாற்றுத் திறனாளிகளுக்கு பிரத்யேக நிறுத்துமிடங்களை ஒதுக்க  மத்திய மாநில அரசுகள், உள்ளாட்சிகள், கல்லூரிகள், பள்ளிகள், டெல்லி மெட்ரோ உள்ளிட்ட அனைத்து அமைப்புக்கும் உத்தரவிட்டிருந்தோம்.

 இதற்காக சிறப்பு தணிக்கையை மேற்கொள்ளவும் உத்தரவிட்டிருந்தோம். இதில் விதிமீறல்கள் இருந்தால் அதற்கு பொறுப்பான ஒப்பந்ததாரர்கள், அவரது உதவியாளர்கள் மீது நடவடிக்கை எடுக்கவும் உத்தரவிட்டோம். இப்பிரச்னையின் தீவிரம் காரணமாக ஒரு வாரத்துக்குள் அனைத்து கட்டடங்களும் மாற்றுத் திறனாளிகளின் பயன்பாட்டுக்கு உகந்த முறையில் உள்ளதா இல்லையா என்பதை தெரிவிக்க வேண்டும். மாற்றுத் திறனாளிகள் தணிக்கை முறை குறித்து ஏதாவது சட்டம் உள்ளதா என்பதை மத்திய அரசு தெரிவிக்க வேண்டும். இவ்வாறு நீதிபதிகள் உத்தரவிட்டனர்.
பொது நலன் மனுவில், சாலைகள், நடைபாதைகள், பொது இடங்கள், அரசு அலுவலகள் மாற்றுத் திறனாளிகளுக்கு உகந்ததாக இல்லை.  அரசு பேருந்துகள், அனைத்து வகை வாகனங்கள், ரயில் பெட்டிகள், விமானம், மற்றும் காத்திருப்பு அறைகளில் மாற்றுத் திறனாளிகள் தனிமைப்படுத்தாமல் இருக்க விதிகளை வகுக்க வேண்டும்  என கோரிக்கை விடுத்திருந்தார்.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • bushwifecondolences

    அமெரிக்க முன்னாள் அதிபர் ஜார்ஜ் புஷ்ஷின் மனைவி பார்பரா புஷ் மறைவு : பொதுமக்கள் இரங்கல்

  • fireaccidentsafety

    சென்னையில் உள்ள சி.எம்.டி.ஏ டவர் கட்டிடத்தில் தீயணைப்புத்துறை சார்பில் தீ விபத்து பாதுகாப்பு ஒத்திகை

  • punecskfansipl

    ஐபிஎல் போட்டியைக் காண சிறப்பு ரயிலில் புனேவுக்குப் படையெடுத்த சி.எஸ்.கே ரசிகர்கள்!

  • kanjipuramuthiram

    பங்குனி உத்திரம் நிறைவு விழா : அருள்மிகு காஞ்சிபுரம் ஏகாம்பரநாதர் பூ பல்லக்கில் ராஜவீதி உலா

  • commonwealthwinners

    காமன்வெல்த் போட்டியில் பதக்கங்கள் வென்று சென்னை திரும்பிய வீரர்களுக்கு உற்சாக வரவேற்பு

படங்கள் வீடியோ கல்வி சினிமா ஜோ‌திட‌ம்