SUN குழுமத்திலிருந்து வெளிவரும் காலை நாளிதழ்

உள்கட்டமைப்பு, அரசின் அலட்சியம் காரணமாக வீழ்ச்சியை நோக்கி செல்லும் : அரசு பள்ளிகளின் தேர்ச்சி சதவீதம்

2017-05-20@ 00:11:15

சென்னை : பத்தாம் வகுப்பு தேர்வில் 32 மாவட்டங்களில் 5,353 அரசுப் பள்ளிகளை சேர்ந்த மாணவர்கள் தேர்வு எழுதியதில் 1,538 அரசுப் பள்ளிகள் மட்டுமே 100 சதவீத தேர்ச்சியை எட்டியுள்ளன. இது அரசின் அலட்சிய போக்கை காட்டுவதாக கல்வியாளர்கள் குற்றம்சாட்டுகின்றனர்.
தமிழகம் மற்றும் புதுச்சேரியில் நேற்று பத்தாம் வகுப்பு பொதுத் தேர்வு முடிவுகள் வெளியிடப்பட்டது. இதில் அரசு பள்ளிகளின் கல்வித் தரம் கேள்வியை எழுப்பி உள்ளது. பத்தாம் வகுப்பு பொதுத் தேர்வில் விருதுநகர் மாவட்டத்தில் 169 பள்ளிகள் மூலம் 10,263 பேர் தேர்வு எழுதினர். அவர்களில் 10 ஆயிரத்து 26 பேர் தேர்ச்சி பெற்றனர். இது 97.69 சதவீதம் ஆகும். இந்த மாவட்டத்தில் 104 பள்ளிகள் 100 சதவீத தேர்ச்சி அடைந்துள்ளன. கன்னியாகுமரி மாவட்டத்தில் 131 அரசுப் பள்ளிகள் மூலம் 5,113 பேர் தேர்வு எழுதியதில் 5,000 பேர் தேர்ச்சி பெற்றனர். மொத்த தேர்ச்சி வீதம் 97.79 சதவீதம். இந்த மாவட்டத்தில் 81 அரசுப் பள்ளிகள் 100 சதவீத தேர்ச்சி பெற்றுள்ளன.

காஞ்சிபுரம் மாவட்டத்தில் 217 அரசுப் பள்ளிகள் மூலம் 20,111 பேர் தேர்வு எழுதியதில் 18,001 பேர் தேர்ச்சி அடைந்துள்ளனர். தேர்ச்சி வீதம் 89.51 சதவீதம். இந்த  மாவட்டத்தில் 32 அரசுப் பள்ளிகள் தான் 100 சதவீதம் தேர்ச்சி அடைந்துள்ளன. திருவள்ளூர் மாவட்டத்தில் 223 அரசுப் பள்ளிகள் மூலம் 17,988 பேர் தேர்வு எழுதியதில் 15,202 பேர் தேர்ச்சி பெற்றனர். தேர்ச்சி 84.51 சதவீதம். 29 அரசுப் பள்ளிகள் 100 சதவீத தேர்ச்சி பெற்றுள்ளன.
சென்னை மாவட்டத்தில் 28 அரசுப் பள்ளிகள் மூலம் 3,016 பேர் தேர்வு எழுதியதில் 2,757 பேர் தேர்ச்சி பெற்றனர். 3 அரசுப் பள்ளிகள் மட்டுமே 100 சதவீத தேர்ச்சி அடைந்துள்ளன. இது குறித்து கல்வியாளர்கள் கூறுகையில் உள்கட்டமைப்பு மற்றும் அரசின் அலட்சியப்போக்கே சென்னை கல்வி மாவட்டம் கல்வியில் இத்தகைய பின் தங்கிய நிலையில் உள்ளது என்று குற்றம்சாட்டினர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • WorldPressPhoto2018

    உலக பத்திரிகை புகைப்பட போட்டி 2018: போட்டிக்காக தேர்ந்தெடுக்கப்பட்டுள்ள புகைப்படங்களின் தொகுப்பு..

  • PeruBUsCrash44dead

    பெரு நாட்டில் 300 அடி பள்ளத்தில் சரிந்து விபத்துக்குள்ளான பேருந்து: 44 பேர் உடல் நசுங்கி பலி

  • Amritsarpm

    அமிர்தசரஸ் பொற்கோவிலில் கனடா பிரதமர் குடும்பத்துடன் வழிபாடு

  • 22-02-2018

    22-02-2018 இன்றைய சிறப்பு படங்கள்

  • GodofWealth

    சீனாவில் காட் ஆஃப் வெல்த் பிறந்தநாள் கொண்டாட்டம்: மக்கள் உற்சாக கொண்டாட்டம்

படங்கள் வீடியோ கல்வி சினிமா ஜோ‌திட‌ம்
X