லாகூர்: சர்வதேச நீதிமன்றத்தில் ஏற்பட்டுள்ள பின்னடைவை அடுத்து குல்பூஷண் வழக்கில் வாதாட புதிய வழக்கறிஞர் குழுவை நியமிக்கப்போவதாக பாகிஸ்தான் அறிவித்துள்ளது. பாகிஸ்தான் பிரதமரின் வெளியுறவு கொள்கை ஆலோசகரான சர்தாஜ் அலீஸ் இதை தெரிவித்துள்ளார். வியாழனன்று தீர்ப்பு வெளியான குல்பூஷண் வழக்கில் பாகிஸ்தான் வழக்கறிஞர்கள் திறமையாக வாதாடவில்லை என்பதால் புதிய வழக்கிறஞர் குழு நியமிக்கப்படுவதாக அவர் கூறியுள்ளார்.

இதனிடையே சர்வதேச நீதிமன்றத்தின் உத்தரவை பாகிஸ்தான் மீறினால் அது ஒரு தற்கொலை முடிவாக இருக்கும் என இந்திய சட்ட வல்லுநர்கள் கூறியுள்ளனர். குல்பூஷண் ஜாதவின் மேல்முறையீட்டிற்கான கால அவகாசம் வெள்ளிக்கிழமை முடிகிறது. ஆனால் அவரது தாயார் அளித்த மேல்முறையீட்டு மனு மீது பாகிஸ்தான் தரப்பிலிருந்து இதுவரை எந்த பதிலும் வரவில்லை. எனவே பாகிஸ்தான் உச்சநீதிமன்றத்தை அனக அவரது தாயாருக்கு அறிவுறுத்தப்பட்டுள்ளது.