SUN குழுமத்திலிருந்து வெளிவரும் காலை நாளிதழ்

எச்1பி விசா உத்தரவை திரும்ப பெற வேண்டும்: அமெரிக்காவிடம் ஜெட்லி கோரிக்கை

2017-04-21@ 17:57:11

வாஷிங்க்டன்: இந்தியர்களை வெகுவாக பாதிக்க கூடிய வகையில் இருப்பதால் எச்1பி விசா தொடர்பான உத்தரவை திரும்ப பெற வேண்டும் என அமெரிக்காவிடம் நிதி அமைச்சர் அருண் ஜெட்லி வலியுறுத்தியுள்ளார். அமெரிக்காவில் சுற்றுப்பயணம் மேற்கொண்டுள்ள அருண் ஜெட்லி வாஷிங்டனில் வர்த்தக அமைச்சர் வில்பர் ரோசை சந்தித்து பேசினார். அப்போது அமெரிக்காவின் பொருளாதார வளர்ச்சிக்கு இந்திய தொழில்நுட்ப வல்லுநர்கள் வழங்கியுள்ள பங்களிப்பை அவர் சுட்டிக்காட்டினார்.

இதே நிலை தொடர வேண்டுமானால் எச்1பி விசா விதிமுறைகளில் எந்த மாற்றமும் செய்யக்கூடாது என அருண் ஜெட்லி கேட்டுக்கொண்டார். அருண் ஜெட்லிக்கு பதிலளித்த வில்பர் ரோஸ் விசா மாற்றம் குறித்து இறுதி முடிவு எடுக்கப்படவில்லை என கூறினார். மேலும் மிகத்திறமையான வெளிநாட்டவரை மட்டுமே அனுமதிக்கும் வகையில் குடியேற்ற விதிகள் மாற்றியமைக்கப்படலாம் என அப்போது  அவர் குறிப்பிட்டார். ஜெட்லியின் இந்த முயற்சியை விமர்சித்துள்ள காங்கிரஸ் கட்சி அது பலனளிக்குமா என்று சந்தேகம் எழுப்பியுள்ளது.

எச்1பி விசா நடைமுறையை திருத்தும் உத்தரவில் அதிபர் டொனால்டு டிரம்ப் கடந்த வாரம் கையெழுத்திட்டார். இந்த உத்தரவு பல்வேறு துறைகளுக்கு அனுப்பப்பட்டு கருத்து கேட்கப்பட்டுள்ளது. இந்நிலையில் இது நடைமுறைக்கு வந்தால் இந்தியா உள்ளிட்ட வெளிநாட்டு தொழில்நுட்ப மாணவர்களுக்கு அமெரிக்க வேலை வாய்ப்பு பறிபோகும் அபாயம் உருவாகியுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • AmazonSuperMarket

    பணியாளர்கள் இல்லாத ஆட்டோமெட்டிக் சூப்பர் மார்க்கெட்: அமேசான் நிறுவனம் திறப்பு

  • ManholeCoverJapan

    பாதாள சாக்கடையின் மூடிகளை அலங்கரித்து சாலைகளையும் அழகாக்கி வரும் ஜப்பான்..!

  • PhilippineValcanoErruption

    பிலிப்பைன்சில் உள்ள மேயான் எரிமலை வெடிக்கும் அபாயம்: பொதுமக்களுக்கு எச்சரிக்கை விடுப்பு..

  • WorldEconomicConference

    ஸ்விட்சர்லாந்தில் உலகப் பொருளாதார மாநாடு: பிரதமர் மோடி, நடிகர் ஷாரூக்கான் பங்கேற்பு

  • SWITZERLANDHeavySnow

    சுவிட்சர்லாந்து நாட்டில் வரலாறு காணாத பனிப்பொழிவு: சுற்றுலாப் பயணிகள் வருகை பாதிப்பு

படங்கள் வீடியோ கல்வி சினிமா ஜோ‌திட‌ம்