சென்னை: நாளுக்கு நாள் அதிகரித்து வரும் வெயிலின் தாக்கத்திலிருந்து தப்பிக்க பொதுமக்கள் குளிர் பானம், ஐஸ் கிரீம், இளைநீர் கடைகளுக்கு  படையெடுக்க தொடங்கியுள்ளனர். தமிழகத்தில் கடந்த ஆண்டை காட்டிலும் இந்த ஆண்டு கோடை வெயில் 2 முதல் 3 டிகிரி வரை அதிகரித்துள்ளது. சென்னை, வேலூர், கரூர், நாகை, உள்ளிட்ட 7 மாவட்டங்களில் ஏற்கனவே 100 டிகிரிக்கும் அதிமாக வெப்பம் பதிவாகியுள்ளது. கத்தரி வெயில் இன்னும் தொடங்காத நிலையில் வெயில் தாக்கம் மேலும் அதிகரிக்க கூடும் என மக்கள் அச்சமடைந்துள்ளனர்.

வெயிலில் இருந்து தப்பிக்க குளிர் பானம், ஐஸ் கிரீம், இளைநீர் கடைகளுக்கு படையெடுக்க தொடங்கியுள்ளனர். பகல் நேரங்களில் மக்கள் வெளியில் செல்வதையும் தவிர்த்து வருகின்றனர். அதே வேளையில் குடி நீர் தட்டுபாடும் தலைவிரித்து ஆடுகின்றனர். மனிதர்கள் மட்டும் இன்றி வனவிலங்குகளும் தண்ணீர் தேடி அலையும் நிலை ஏற்பட்டுள்ளது.