சென்னை: சென்னை வடபழனி பஜனை கோயில் தெருவை சேர்ந்தவர் சதீஸ் (25). வடபழனியில் உள்ள டைல்ஸ் கடையில் வேலை ெசய்து வருகிறார். இவரது மனைவி ரஞ்சிதா (21). இவர்களுக்கு திருமணம் நடந்து ஓராண்டு ஆகிறது. சதீசுக்கும் மனைவி ரஞ்சிதாவுக்கும் இடையே அடிக்கடி தகராறு ஏற்பட்டுள்ளது. ரஞ்சிதா, தற்போது மூன்று மாத கர்ப்பிணி என கூறப்படுகிறது.

இதற்கிடையே, நேற்று முன்தினம் இரவு தம்பதிக்குள் மீண்டும் தகராறு ஏற்பட்டதாக கூறப்படுகிறது. இதனால் மனமுடைந்த ரஞ்சிதா வீட்டில் இருந்த மண்ணெண்ணெயை எடுத்து தலையில் ஊற்றி திடீரென தீவைத்துக் கொண்டார்.
அவரது அலறல் கேட்டு, அக்கம்பக்கத்தினர் அதிர்ச்சியடைந்தனர். உடனே அவரை மீட்டு 108 ஆம்புலன்ஸ் மூலம் கீழ்ப்பாக்கம் அரசு மருத்துவமனையில் அனுமதித்தனர். அங்கு ரஞ்சிதா உடலில் 42 விழுக்காடு தீக்காயங்களுடன் உயிருக்கு போராடி வருகிறார்.இதுகுறித்து வடபழனி போலீசார் வழக்கு பதிவு செய்து கணவன் சதீசை பிடித்து விசாரணை நடத்தி வருகின்றனர்.