SUN குழுமத்திலிருந்து வெளிவரும் காலை நாளிதழ்

தினேஷ் கார்த்திக் அபார சதம் விஜய் ஹசாரே டிராபியை கைப்பற்றியது தமிழகம்

2017-03-21@ 01:06:31

புதுடெல்லி: பெங்கால் அணியுடன் நடந்த இறுதிப் போட்டியில் 37 ரன் வித்தியாசத்தில் வென்ற தமிழக அணி, விஜய் ஹசாரே டிராபியை கைப்பற்றியது.டெல்லி, பெரோஸ் ஷா கோட்லா மைதானத்தில் நேற்று நடந்த பைனலில், டாசில் வென்று பேட் செய்த தமிழகம் 47.2 ஓவரில் 217 ரன்னுக்கு ஆல் அவுட்டானது. சிறப்பாக விளையாடிய தினேஷ் கார்த்திக் 112 ரன் (120 பந்து, 14 பவுண்டரி) விளாசினார். இந்திரஜித் 32, வாஷிங்டன் சுந்தர் 22 ரன் எடுக்க, மற்ற வீரர்கள் கணிசமாக ரன் குவிக்கத் தவறினர். பெங்கால் பந்துவீச்சில் முகமது ஷமி 4, அஷோக் டிண்டா 3, சேத் ஒரு விக்கெட் வீழ்த்தினர்.

அடுத்து களமிறங்கிய பெங்கால் அணி 45.5 ஓவரில் 189 ரன் மட்டுமே எடுத்து அனைத்து விக்கெட்டுகளையும் பறிகொடுத்தது. சுதிப் சாட்டர்ஜி அதிகபட்சமாக 58 ரன் எடுத்தார். கேப்டன் மனோஜ் திவாரி 32, கோஸ்வாமி 23, அனுஸ்துப், ஆமிர் கானி தலா 24 ரன் எடுக்க, மற்ற அனைவரும் ஒற்றை இலக்க ரன்னில் அணிவகுத்தனர். தமிழக பந்துவீச்சில் அஸ்வின் கிறிஸ்ட், முகமது, ரகில் ஷா தலா 2, விஜய் ஷங்கர், அபராஜித், சாய் கிஷோர் தலா 1 விக்கெட் கைப்பற்றினர்.
37 ரன் வித்தியாசத்தில் வென்ற தமிழகம் 2016-17 சீசனுக்கான விஜய் ஹசாரே டிராபி ஒருநாள் போட்டித் தொடரை கைப்பற்றி அசத்தியது. தினேஷ் கார்த்திக் ஆட்ட நாயகன் விருது பெற்றார்.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • ShangaiConstrutionBank

    ஊழியர்கள் இல்லை...ரோபோக்களை கொண்டு தானாக இயங்கும் வங்கி: சீனாவில் தொடக்கம்

  • YemenAirstrikeSaudi

    ஏமனில் திருமண வீட்டில் சவுதிக் கூட்டுப்படைகள் தாக்குதல்: அப்பாவி பொதுமக்கள் 20 பேர் பலி

  • CherobylNuclearPowerplant

    32 ஆண்டுகளுக்கு முன் பேரழிவை உண்டாக்கிய செர்னோபில் அணுமின் நிலையத்தின் தற்போதயை நிலை: புகைப்படங்கள் வெளியீடு

  • ImmanueltrumpMeet

    அமெரிக்க அதிபர் டொனால்ட் டிரம்புடன் பிரான்ஸ் அதிபர் இம்மானுவேல் மேக்ரான் சந்திப்பு: புகைப்படங்கள்

  • SvetlanaVillageRussia

    மாற்றுத்திறனாளிகள் மட்டுமே வாழும் அதிசய கிராமம்: சேவை நோக்கத்துடன் உடனிருக்கும் தன்னார்வ தொண்டர்கள்!

படங்கள் வீடியோ கல்வி சினிமா ஜோ‌திட‌ம்