SUN குழுமத்திலிருந்து வெளிவரும் காலை நாளிதழ்

ஹைட்ரோ கார்பன் திட்டத்திற்கு எதிர்ப்பு: வடகாடு, நல்லாண்டார்கொல்லையில் 32வது நாளாக போராட்டம் நீடிப்பு

2017-03-20@ 19:59:29

ஆலங்குடி: புதுக்கோட்டை மாவட்டம் நெடுவாசல் கிராமத்தில் ஹைட்ரோகார்பன் எடுக்கும் திட்டத்திற்கு மத்திய அரசு கடந்த மாதம் 15ம் தேதி ஒப்புதல் அளித்தது. இதற்கு எதிர்ப்பு தெரிவித்து நெடுவாசல், நல்லாண்டார்கொல்லை, வடகாடு உட்பட அப்பகுதியில் உள்ள பல்வேறு கிராம மக்கள் தொடர் போராட்டங்களில் ஈடுபட்டனர். கடந்த 9ம் தேதி நெடுவாசல் கிராம மக்கள் 22 நாள் போராட்டத்தை தற்காலிகமாக கைவிட்டனர். வடகாடு மற்றும் நல்லாண்டார்கொல்லையில் போராட்டம் தொடர்ந்து நடைபெற்று வருகிறது. வடகாட்டில் இன்று 16வது நாளாக போராட்டம் நடைபெறுகிறது. நேற்று நடந்த போராட்டத்தில் பருத்திபுஞ்சை, கூட்டான்புஞ்சை, சேர்வைக்காரன்பட்டி ஆகிய பகுதிகளில் இருந்து பொதுமக்கள் கால்நடைகளுடன் கருப்புக்கொடி மற்றும் தங்கள் பகுதிகளில் விளைந்த வேளாண் பொருட்களை கைகளில் ஏந்தியும், மாணவ, மாணவியர் பேனா, மை, பேப்பர் போன்ற பொருட்களுடனும் பேரணியாக வந்து  கலந்துகொண்டனர்.

பெண்கள் ஒப்பாரி வைத்தும் தங்களது எதிர்ப்பை வெளிப்படுத்தினர். கிராமமக்கள் கூறுகையில், மத்திய அரசு இதுவரை எந்த ஒரு அறிவிப்பையும் வெளியிடவில்லை.  திட்டத்தை ரத்து செய்யக்கோரி ஜனாதிபதிக்கும், பிரதமருக்கும் பேப்பர், பேனா, மை ஆகியவற்றை அனுப்பி வைக்கப்போகிறோம். இதை வைத்தாவது திட்டத்தை தடை செய்து அறிவிப்பை வெளியிட வேண்டும். கடந்த 40, 50 ஆண்டுகளுக்கு மேலாக காடு மேடுகளாக இருந்த எங்கள் விவசாய பூமியை இன்று சமதளப்படுத்தி விவசாயம் செய்வதற்கு ஏதுவாக அமைத்துள்ளோம். மத்திய, மாநில அரசுகள் எங்களை விவசாயம் செய்யக்கூடாது என்ற எண்ணத்தில் எங்கள் பகுதிக்கு இத்திட்டத்தை அறிவித்துள்ளது. எங்கள் உடம்பில் ஒரு துளி ரத்தம் இருக்கும் வரை இத்திட்டத்திற்கு எதிராக போராடுவோம் என்றனர்.

நல்லாண்டார்கொல்லையில் இன்று 32வது நாளாக போராட்டம் நடத்தி வருகின்றனர். நேற்று நடந்த போராட்டத்தில் இத்திட்டத்துக்கு எதிராக மக்கள் கோஷமிட்டனர். பின்னர் ஹைட்ரோ கார்பன் எடுப்பதற்காக அமைக்கப்பட்டுள்ள பிளான்ட்டுக்கு அருகில் ைஹட்ரோ கார்பன் கழிவுகளை கொட்டுவதற்காக அமைக்கப்பட்டுள்ள பள்ளத்தில் இறங்கி போராட்டம் நடத்தினர். இதில் கிராமமக்கள், பள்ளி மாணவ, மாணவிகள் கலந்து கொண்டனர். அப்போது அவர்கள் மத்திய, மாநில அரசுகளை கண்டித்து கோஷங்களை எழுப்பினர்.

பொதுமக்கள் கூறும்போது, ‘ஹைட்ரோகார்பன் எடுப்பதற்காக அமைக்கப்பட்டுள்ள ஆழ்துளை கிணற்றை அகற்றவில்லை என்றால், ஹைட்ரோகார்பன் கழிவுகளை கொட்டுவதற்காக அமைக்கப்பட்டுள்ள இந்த பள்ளத்திலேயே விழுந்து எங்களது உயிரை மாய்த்துக்கொள்வோம் என்றனர். திமுக எம்எல்ஏ மெய்யநாதன் கூறுகையில், நெடுவாசல் பிரச்னை குறித்து இன்றுசட்டசபையில் கவனஈர்ப்பு தீர்மானம் எடுத்துக்கொள்ளப்படும் என எதிர்பார்க்கிறோம் என்றார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • sushmafrancepm

    பிரான்ஸ் அதிபருடன் சுஷ்மா சுவராஜ் சந்திப்பு : இருநாட்டு உறவுகள் குறித்து பேச்சுவார்த்தை

  • coolingtowersflorida

    அமெரிக்காவின் புளோரிடா மாகாணத்தில் குளிர்விப்பு கோபுரங்கள் வெடிவைத்து தகர்க்கப்படும் காட்சிகள்!

  • taiwaneseminimodels

    தைவானிய நுண்பொருள் கலைஞரால் வடிவமைக்கப்பட்ட மிகச்சிறிய மாதிரிகளின் புகைப்படத் தொகுப்பு

  • tentsforchildrenstexas

    அமெரிக்காவில் பெற்றோர்களிடமிருந்து பிரிக்கப்பட்ட குழந்தைகளுக்காக டெக்சஸில் கூடாரங்கள் அமைப்பு!

  • PresidentGreeceleaders

    அரசு முறைப் பயணமாக ஜனாதிபதி ராம்நாத் கோவிந்த் கிரீஸ் பயணம்: முக்கிய தலைவர்களுடன் சந்திப்பு

படங்கள் வீடியோ கல்வி சினிமா ஜோ‌திட‌ம்