சேலம்: கருப்பு பணம் வைத்திருப்பவர்கள் மார்ச் 31-க்குள் கணக்கில் காட்டுமாறு வருமானவரித்துறை அழைப்பு விடுத்துள்ளது.  கறுப்பு பணத்தை மார்ச் 31-க்குள் கணக்கில் காட்டினால் அதற்கு 49.9%  வரி விதிக்கப்படும் என்று வருமானவரித்துறை தெரிவித்துள்ளது. கறுப்பு பணத்தில் 25%-த்தை 4 ஆண்டுகளுக்கு வட்டியில்லா டெபாசிட்டாக செலுத்த வேணடும் என்றும் சேலம் சரக வருமானவரித்துறை முதன்மை ஆணையர் திருமலைக்குமார் தெரிவித்துள்ளார்.

எஞ்சிய 25% கறுப்பு பணத்தை கணக்கில் காட்டி வெள்ளையாக மாற்றிக் கொள்ளலாம் என்றும் அவர் தெரிவித்துள்ளார். வருமான வரித்துறை நடத்திய சோதனையில் கறுப்பு பணம் கண்டறியப்பட்டால் 107.25% வரி விதிக்கப்படும் என்றும்  திருமலைக்குமார் எச்சரித்துள்ளார்.  கறுப்பு பணம் வைத்திருப்பவர்களுக்கு 7 ஆண்டு சிறை தண்டனை வழங்கவும் வாய்ப்புள்ளது என்று அவர் தெரிவித்துள்ளார்.