SUN குழுமத்திலிருந்து வெளிவரும் காலை நாளிதழ்

காஸ்ட்லி ரேங்லரை போன்று உருமாறும் மஹிந்திரா ‘தார்’ ஜீப்

2017-03-19@ 00:03:03

கிட்டத்தட்ட 70 லட்சம் ரூபாய் விலை கொண்டது சொகுசு எஸ்யூவி மாடலான ரேங்லர் ஜீப், ஆனால் அவ்வளவு விலை கொடுத்து வாங்க  இயலாது என்பவர்களுக்காக மஹிந்திரா ‘’தார்’’ ஜீப்பை ரேங்லரைப்போன்றே மாடிஃபை செய்து தருகிறது கேரளாவை சேர்ந்த கார்  மாடிஃபிகேஷன் நிறுவனம்.ஆஃப் ரோடு டிரைவிங் மீது மோகம் கொண்டவர்களுக்கு கனவு வாகனமாக விளங்குவது ரேங்லர் ஜீப் ஆகும். இதன் விலை மிக அதிகம்  என்பதால் பலருக்கு அதனை சொந்தமாக்கிக் கொள்வது என்பது வெறும் கனவாகவே உள்ளது. அக்கனவை நனவாக்கி தருகிறார்கள் ரெட்  பாஃக்ஸ் ஆட்டோ கேர் என்ற கார் மாடிஃபிகேசன் நிறுவனத்தினர். அதுவும், வாங்கக்கூடிய விலையில். இவர்கள் உருமாற்றித்தரும் ‘தார்’ ஜீப்  தான் ரேங்லரை சொந்தமாக்க வேண்டும் என்பவர்களின் ஆவலை பூர்த்தி செய்யும். ரியர்வியூ கண்ணாடி, கதவுகளின் கைப்பிடி, ஃபியூயல்  டேங்கின் மூடி, பின்பக்க விளக்கு என ரேங்லர் ஜீப்பின் சில உதிரிப்பாகங்களை கொண்டு ‘’தார்’’ ஜீப்பில் மாற்றம் செய்கின்றனர். முகப்பில்  ரேங்லர் ஜீப் லோகோவைக்கூட பொருத்தி தருகின்றனர்.

ரேங்லரின் வீல், அளவில் பெரிது, ஆதலால் தாரில் உள்ள வீல்களை நீக்கிவிட்டு, அளவில் பெரிய டயர்களை இதில் பொருத்தியுள்ளனர்.  இதன் ரியர்வியூ கண்ணாடி எல்ஈடி.யுடன் கூடியது. இண்டீரியரை பொருத்தமட்டில் ரேங்லரில் உள்ள முன்பக்க சீட் போன்றே மார்க்கெட்டில்  கிடைக்கும் விலை உயர்ந்த சீட்களை கொண்டு மாற்றியுள்ளனர். பெரும்பாலான மாற்றங்களைக்கண்ட பின்னர், இது ‘’தார்’’ ஜீப் என்று  சொன்னால் யாரும் நம்புவது கடினமே! அத்தனை வேலையையும் ரூ.5 லட்சத்தில் முடித்து தருகின்றனர்.தார் ‘டே பிரேக் எடிசன்’’ என்ற  பெயரில் இதைப்போன்றே மாறுதல்களை மஹிந்திரா நிறுவனமே செய்து தருகிறது.


வாழ்க்கைத் துணையை தேடுகிறீர்களா? தமிழ் மேட்ரிமோனியில் - பதிவு இலவசம்!
Like Us on Facebook Dinkaran Daily News
  • children_protestt11

    ஆர்.கே.நகர் தொகுதி தேர்தல் - பிரசாரத்துக்கு சிறுவர்களை ஈடுபடுத்தும் அரசியல் கட்சிகள்

  • 2500_type_idlyy

    உலக இட்லி தினம் - சென்னையில் 2500 வகையான இட்லிகளின் கண்காட்சி நடந்தது

  • 30-03-2017

    30-03-2017 இன்றைய சிறப்பு படங்கள்

  • FLIHJTarestre

    செம்மரக்கட்டை கடத்தலில் 6 மாதம் தலைமறைவான விமான பணிப்பெண் கைது: கொல்கத்தாவில் சிக்கினார்

  • farmersSUPPORtstuMAR

    விவசாயிகளுக்கு ஆதரவாக சென்னை மெரினாவில் மாணவர்கள் கடலில் இறங்கி போராட்டம்