SUN குழுமத்திலிருந்து வெளிவரும் காலை நாளிதழ்

கேரள காப்பகத்தில் 7 சிறுமிகள் பலாத்காரம்: 6 வாலிபர்கள் சிக்கினர்

2017-03-08@ 00:39:27

திருவனந்தபுரம் : கேரள மாநிலம் வயநாடு அருகே ஆதரவற்ற குழந்தைகள் காப்பகத்தை சேர்ந்த 7 சிறுமிகள் பலாத்காரம் செய்யப்பட்டது பெரும் பரபரப்பை ஏற்படுத்தி உள்ளது. கேரள மாநிலம் வயநாடு மாவட்டம் கல்பெட்டா பகுதியில் முஸ்லிம் அமைப்பு நடத்தும் ஆதரவற்ற குழந்தைகள் காப்பகம் உள்ளது. இங்கு 100க்கும் மேற்பட்ட சிறுமிகள் உள்ளனர். நேற்று முன்தினம் விடுதியை ஒட்டியுள்ள ஒரு கடையில் இருந்து காப்பகத்தை சேர்ந்த சிறுமி ஒருவர் வெளியே சென்றார். இதை காப்பக ஊழியர் ஒருவர் பார்த்து அதிகாரிகளிடம் தெரிவித்தார். விசாரணையில், அந்த சிறுமி கடையில் வைத்து பலாத்காரம் செய்யப்பட்டது தெரியவந்தது. இதுகுறித்து காப்பக அதிகாரிகள் கல்பெட்டா போலீசில் புகார் செய்தனர். இதையடுத்து சம்பவ இடத்துக்கு விரைந்து வந்த போலீசார் கிடுக்கிப்பிடியாக விசாரணை நடத்தினர். அப்போது அந்த காப்பகத்தை சேர்ந்த 15 வயதுக்கு உள்பட்ட மேலும் 6 சிறுமிகள் கடையில் வைத்து பலாத்காரம் செய்யப்பட்டது தெரியவந்தது. இதையடுத்து அந்த பகுதியைச் சேர்ந்த 6 வாலிபர்களை போலீசார் அதிரடியாக கைது செய்தனர்.

இது தொடர்பாக மொத்தம் 11 வழக்குகள் பதிவு செய்யப்பட்டுள்ளன. தொடர்ந்து சிறுமிகளுக்கு கவுன்சலிங் கொடுக்கப்படுகிறது. இது முடிந்த பின்னரே வேறு சிறுமிகள் இதுபோல் பலாத்காரத்திற்கு ஆளானார்களா என்பது தெரியவரும். இந்த சம்பவத்தில் கைது செய்யப்பட்டுள்ள 6 பேரிடமும் விசாரணை நடத்தியதில், கடையில் பொருட்கள் வாங்க வரும் சிறுமிகளை ஆசைவார்த்தை கூறி கடையில் வைத்து பலாத்காரம் செய்துவிட்டு அதை வீடியோவில் பதிவு செய்து வைத்துக்கொண்டு பின்னர் அதை காண்பித்து மிரட்டியே தொடர்ந்து பலாத்காரம் செய்தது தெரியவந்துள்ளது. கைது செய்யப்பட்டவர்களின் விவரத்தை போலீசார் வெளியிடவில்லை. இந்த சம்பவம் தொடர்பாக வயநாடு எஸ்.பி. ராஜ்பால் மீனா தலைமையிலான போலீசார் விசாரித்து வருகின்றனர்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்