புதுடெல்லி: ஜெயலலிதா மரணம் குறித்து சிபிஐ விசாரணைக்கு உத்தரவிடக் ேகாரி, எம்.பி. சசிகலா புஷ்பா, மத்திய உள்துறை அமைச்சர்  ராஜ்நாத் சிங்கிடம் நேற்று மனு அளித்தார். ஜெயலலிதா மரணத்தில் மர்மம் இருப்பதாகஅதிமுகவில் இருந்து நீக்கப்பட்ட பெண் எம்.பி. சசிகலா  புஷ்பா குற்றஞ்சாட்டி வருகிறார். இது தொடர்பாக அவர் உச்ச நீதிமன்றத்தில் வழக்கு தொடர்ந்துள்ளார். ஜெயலலிதாவின் மருத்துவ  அறிக்கையை வெளியிட வேண்டும் என்றும், இந்த விவகாரம் தொடர்பாக சிபிஐ விசாரணைக்கு உத்தரவிட வேண்டும் என்றும் அவர் வழக்கில்  வலியுறுத்தி உள்ளார்.

இந்நிலையில், டெல்லியில் மத்திய உள்துறை அமைச்சர் ராஜ்நாத் சிங்கை நேற்று சசிகலா புஷ்பா சந்தித்து, சிபிஐ விசாரணை ேகட்டு மனு  அளித்தார். பின்னர் அவர் கூறுகையில், அமைச்சர் ராஜ்நாத் சிங் தன்னுடைய கோரிக்கை குறித்து பரிசீலிப்பதாகவும் கூறியதாக தெரிவித்தார்.