SUN குழுமத்திலிருந்து வெளிவரும் காலை நாளிதழ்

மாணவர்கள் முன்னேற ஆங்கில மொழித் திறன் வேண்டும்: அமெரிக்க தூதரக அதிகாரி பேச்சு

2016-10-18@ 00:12:48

சென்னை: நீங்கள் எதிர்காலத்தில் என்னவாக வர வேண்டும் என்பதை நீங்கள் தான் தீர்மானிக்க வேண்டும். அதற்கு ஆங்கில மொழித்  திறனை நீங்கள் வளர்த்துக் கொள்ள வேண்டும்  என்று பிராட்லே ஹார்ன் தெரிவித்தார். சென்னையில் உள்ள அமெரிக்க தூதரகத் தலைவர் அலுவலகம், சென்னை எழும்பூரில் உள்ள இந்தியன் சமூக கல்வி ஆராய்ச்சி மற்றும் மேம்பாட்டு மையம் ஆகியவை இணைந்து ‘‘ஆங்கில அணுகுமுறை கல்வி உதவித் தொகை திட்டம்’’ என்ற கல்வித் திட்டத்தை தொடங்கியுள்ளன. இதற்கான தொடக்க விழாக சென்னை லலோயா கல்லூரியில் நடந்தது. இந்த விழாவில் லயோலா கல்லூரியின் முதல்வர் ஆரோக்கியசாமி சேவியர், நிர்வாகி ஜெயபதி பிரான்சிஸ்  வாழ்த்திப் பேசினர்.

சென்னையில் உள்ள அமெரிக்க தூதரகத்தின் பண்பாட்டு உறவுகளுக்கான அதிகாரி எரிக் லுண்ட் சிறப்புரையாற்றினார புதுடெல்லியில் உள்ள அமெரிக்க தூதரகத்தின் ஆங்கில மொழிக்கான மண்டல அதிகாரி பிராட்லே ஹார்ன் தலைமை தாங்கியதுடன் பயிற்சி முடித்த மாணவ மாணவியருக்கு சான்றுகள் வழங்கி பேசியதாவது: ஆங்கில அணுகுமுறை கல்வி உதவித் தொகை திட்டம் என்பது அமெரிக்க மாநிலங்களுக்கான துறையின் கல்வி மற்றும் பண்பாட்டு உறவுகள் பிரிவின் மூலம் நடத்தப்படுகிறது. இந்த திட்டத்தில் 85க்கும் மேற்பட்ட நாடுகள் அங்கம் வகிக்கின்றன. பள்ளிகளில் இடைநின்ற மற்றும் பொருளாதார ரீதியாக பின்தங்கிய, 16 வயது முதல் 24 வயது வரை உள்ள மாணவ மாணவியரிடையே ஆங்கில மொழித் திறனை வளர்ப்பதாகும். ஆங்கில மொழித் திறன் பெற்றால் உயர் கல்வியில் அதிக வாய்ப்பு கிடைக்கும். அமெரிக்காவில் கல்வி கற்கும் வாய்ப்பும் முன்னுரிமையும் கிடைக்கும்.  

தமிழகத்தில் சென்னை எழும்பூரில் செயல்படும் இந்தியன் சமூக கல்வி ஆராய்ச்சி மற்றும் மேம்பாட்டு மையத்துக்கு இந்த திட்டத்தை செயல்படுத்தும் அனுமதி வழங்கப்பட்டுள்ளது. இதில் 130 மாணவர்கள் சேர்ந்துள்ளனர். அவர்களுக்கு 20 மாதங்கள் ஆங்கில மொழி பயிற்றுவிக்கப்படும். ஆங்கில மொழி கற்றால் உயர் கல்வியில் சாதிக்க முடியும். நீங்கள் எதிர்காலத்தில் என்னவாக வர வேண்டும் என்பதை நீங்கள் தான் தீர்மானிக்க வேண்டும். அதை குறிவைத்து படித்தால் முன்னேற முடியும். அதற்கு ஆங்கில மொழித்  திறனை நீங்கள் வளர்த்துக் கொள்ள வேண்டும். இவ்வாறு பிராட்லே ஹார்ன் தெரிவித்தார்.


மேலும் செய்திகள்

Like Us on Facebook Dinkaran Daily News
  • siva5

    1100 ஆண்டுகள் பழமை வாய்ந்த பிரம்மாண்ட மணற்கல் சிவலிங்கம் வியட்நாம் அகழ்வாராய்ச்சியில் கண்டுபிடிப்பு!

  • death5

    கொரோனாவின் கோரப்பிடியில் சிக்கியுள்ள பிரேசில்: ஒரே நேரத்தில் நூற்றுக்கணக்கான சடலங்களை கல்லறையில் புதைக்கும் மக்கள்!!!

  • coronaa5

    புலம்பெயர்ந்த தொழிலாளர்கள் சொந்த ஊர் திரும்புவதால் கிராமபுறங்களில் அதிகரிக்கும் கொரோனா பாதிப்பு: புகைப்படங்கள்

  • locust4

    ராஜஸ்தான் உட்பட வடமாநிலங்களில் வெட்டுக்கிளிகள் தொடர் படையெடுப்பு!: பயிர்களை நாசம் செய்வதால் விவசாயிகள் வேதனை!!!

  • ingland4

    இங்கிலாந்தில் 5000 ஆண்டுகளுக்கு முன் வாழ்ந்த உயிரினத்தின் கொம்பு கண்டுபிடிப்பு: புகைப்படங்கள்

படங்கள் வீடியோ கல்வி சினிமா ஜோ‌திட‌ம்