SUN குழுமத்திலிருந்து வெளிவரும் காலை நாளிதழ்

ஐ.எஸ். தீவிரவாத இயக்கத்துடன் தொடர்பா? கோவையில் பிடிபட்ட 5 பேரிடம் தீவிர விசாரணை

2016-10-05@ 01:19:28

கோவை: கோவையில் பிடிபட்ட 5 பேரில், 2 பேருக்கு ஐ.எஸ்.ஐ.எஸ். தீவிரவாத இயக்கத்துடன் தொடர்பு இருப்பது என்.ஐ.ஏ. விசாரணையில் அம்பலமாகி உள்ளது. கேரள மாநிலம் கண்ணூர் மாவட்டம் கனகமலையில் ஐ.எஸ்.ஐ.எஸ் தீவிரவாத இயக்கத்தை சேர்ந்த மன்சித் (30), அபுபஷீர் (29), சுவாலிஷ் முகமது (26), சபான் (30), ஜாசிம் (25), ராம்ஷெத் நகீலன் கண்டியல் (24) ஆகிய 6 பேரை தேசிய புலனாய்வு பிரிவு (என்.ஐ.ஏ) போலீஸ் அதிகாரிகள் கடந்த 1ம் தேதி கைது செய்தனர்.

இவர்களிடம் விசாரணை நடத்தியதில் ஐ.எஸ்.ஐ.எஸ் தீவிரவாத அமைப்பின் ஆதரவாளர்கள் சிலர் ேகாவையில் பதுங்கியிருப்பதாக தகவல் தெரியவந்தது. இதையடுத்து, என்.ஐ.ஏ தென்மாநில ஐ.ஜி அலோக், சூப்பிரண்டு விக்ரம் தலைமையிலான அதிகாரிகள் கடந்த ஞாயிற்றுக்கிழமை கோவை வந்தனர். உள்ளூர் போலீசார் உதவியுடன் கோவை உக்கடம் ஜி.எம் நகரை சேர்ந்த ஐந்து பேரை பிடித்தனர். இவர்களிடம் இருந்து லேப்டாப், செல்போன் போன்றவற்றை பறிமுதல் செய்தனர்.

பிடிபட்ட ஐந்து பேரையும் கோவை மாநகர போலீஸ் கமிஷனர் அலுவலக வளாகத்தில் உள்ள சிறப்பு நுண்ணறிவு பிரிவு போலீஸ் அலுவலகத்தில் வைத்து, என்.ஐ.ஏ போலீஸ் அதிகாரிகள் கடந்த இரு நாட்களாக விசாரணை நடத்தி வந்தனர்.  நேற்று 3வது நாளாக 5 பேரிடமும் விசாரணை நடத்தினர். 5 பேரில் இரண்டு பேர், கோழிக்கோட்டில் கைதான ஐ.எஸ்.ஐ.எஸ் தீவிரவாதிகளுடன் பேஸ்புக் பக்கத்தின் சாட் (தகவல் பரிமாறும் தனிப்பட்ட பிரிவு) மூலம் பல்வேறு தகவல்களை பரிமாறிக் கொண்டுள்ளனர்.  மேலும், பரிமாறிக்கொண்ட தகவல்களை உடனுக்குடன் அழித்துள்ளனர்.

இதுகுறித்து என்.ஐ.ஏ போலீஸ் அதிகாரிகள் விசாரித்தனர். பேஸ்புக் பக்கத்தின் சாட் மூலம் என்னென்ன தகவல் பரிமாறப்பட்டது என்பது பற்றி பல கேள்விகளை கேட்டு விசாரித்தனர். கேரளாவில் கைது செய்யப்பட்ட 6 பேரில், அபுபஷீர் என்பவர் ேகாவையில் உள்ள ஒரு தனியார் கல்லூரியில் படித்தவர் என என்.ஐ.ஏ போலீஸ் விசாரணையில் தெரியவந்துள்ளது. கடந்த இரு நாட்களாக விசாரணை முடிந்ததும், மாலையில் ஐந்து பேரையும் வீட்டுக்கு அனுப்பிவைத்தனர். ஆனால், நேற்று தொடங்கிய விசாரணை தொடர்ந்து நடந்து வருகிறது.


மேலும் செய்திகள்

Like Us on Facebook Dinkaran Daily News
  • 14-11-2019

    14-11-2019 இன்றைய சிறப்பு படங்கள்

  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

  • 13-11-2019

    13-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்