லாகூ: இந்தியாவுக்கு புனித யாத்திரை செல்ல புறப்பட்ட 250 இந்துக்களுக்கு நீண்ட தயக்கத்துக்குப் பிறகு பாகிஸ்தான் அரசு அனுமதியளித்தது.இந்தியாவில் பல்வேறு புனித ஸ்தலங்களுக்குச் செல்ல 33 நாள் விசாவுடன் 250 பேர் புறப்பட் டனர். அவர்கள் பாகிஸ்தானில் பல இன்னல்களை அனுபவித்ததால் மீண்டும் பாகிஸ்தான் திரும்ப மாட்டார்கள் என்று அந்த நாட்டு செய்தி நிறுவனங்கள் தகவல் வெளியிட்டன. இதனால் அந்த யாத்திரிகர்களை வாகா எல்லையில் அந்நாட்டு அதிகாரிகள் தடுத்து நிறுத்தினர். சுமார் 7 மணி நேரம் அவர்களை பிடித்து வைத்திருந்தனர்.

சரியான பயண ஆவணங்கள் இருந்தும் தாங்கள் தடுத்து நிறுத்தப்பட்டதற்கு இந்துக்கள் எதிர்ப்பு தெரிவித்தனர்.பின்னர், அவர்கள் எல்லையைக் கடந்து செல்ல அனுமதிக்கப்பட்டனர். பாகிஸ்தானுக்கு எதிராக பேச மாட்டோம். பாகிஸ்தானின் பெருமையை குலைக்கும் வகையில் செயல்பட மாட்டோம் என்று உறுதியளித்ததன்பேரில் அவர்கள் இந்தியாவுக்குள் செல்ல அனுமதிக்கப்பட்டதாக பாகிஸ்தான் அதிகாரி தெரிவித்தார்.