SUN குழுமத்திலிருந்து வெளிவரும் காலை நாளிதழ்

81 அடி சிவன் சிலை திறப்பு : தமிழகத்தில் முதல் முறையாக நக்கீரருக்கும் சிலை

2016-01-20@ 21:24:51

ஆலங்குடி : புதுக்கோட்டை மாவட்டம் ஆலங்குடி அடுத்த கீரமங்கலம் பஸ் நிலையம் அருகில் அறநிலையத்துறைக்கு சொந்தமான ஒப்பிலாமணி உடனுறை மெய்நின்ற நாதர் கோயில் உள்ளது. பழமை வாய்ந்த இக்கோயில் பல்வேறு வரலாற்று சிறப்புகளைக் கொண்டது. இக்கோயிலில் திருப்பணிகள் பழமை மாறாமல் நடந்துவருகிறது. கோயில் முன்புறம் குளம் இருந்ததாக அறியப்பட்ட இடத்தில் புதிதாக குளம் வெட்டப்பட்டு அதன் நடுப்பகுதியில் தமிழகத்திலே முதன்முறையாக 81 அடி உயரத்தில் நின்ற கோலத்தில் சிவபெருமான் முழுஉருவசிலை அமைக்கப்பட்டுள்ளது. கோயில் வாசலில் சிவபெருமானை நோக்கியபடி சுமார் முக்கால் அடி உயரத்தில் புலவர் நக்கீரருக்கு முழு உருவ கற்சிலை அமைக்கப்பட்டுள்ளது. இதன் திறப்பு விழா இன்று காலை நடந்தது. சிவன் மற்றும் நக்கீரர் சிலைகளை எம்எல்ஏ குப.கிருஷ்ணன் திறந்து வைத்தார். திறப்பு விழாவில் ஏராளமான பக்தர்கள் கலந்துகொண்டனர்.

எம்எல்ஏ குப.கிருஷ்ணன் கூறுகையில், ‘பாண்டிய நாட்டில் மதுரையில் வாழ்ந்த நக்கீரர் முருகனின் அறுபடை வீடுகள் குறித்து திருமுருகாற்றுப்படை நூலை எழுதியவர். நக்கீரரின் புலமையை அறியச் செய்யவும் தமிழின் பெருமையை உலகிற்கு அறியச் செய்யவும் சிவபெருமான் நக்கீரரைச் சோதிக்கும் வண்ணம் சம்பவங்கள் நிகழ்ந்ததாக பெருமைகள் சொல்கின்றன. நக்கீரர், பெண்களின் கூந்தலுக்கு இயற்கையிலேயே மணம் உண்டா, இல்லையா என சிவபெருமானுடன் வாதிட்டதுடன், இதுதொடர்பாக அவருக்கு ஏற்பட்ட மனக்குழப்பத்தை கீரமங்கலம் மெய் நின்ற நாதர் முன் நின்று தீர்த்துக்கொண்டுள்ளார். அதனால்தான் மொழிக்கும் கலைக்கும் கலாசாரத்திற்கும் பெருமை சேர்த்த சிவபெருமானை இங்கு நிலைக்கச் செய்ய இதுபோல் ஒரு உருவச்சிலையை அமைத்தோம். இதுபோல் ஆசியாவிலேயே வேறொரு சிலை இதுவரை நிறுவப்பட்டதாக அறியவில்லை.

மேலும் தமிழுக்கும் நேர்மைக்கும் பெருமை சேர்த்த நக்கீரருக்கும் வேறு இடங்களில் சிலை ஏதுமில்லை. அதனால் கீரமங்கலத்தில் அமைப்பதுதான் சாலப் பொருத்தமாக இருக்கும் என்று கருதி ஏழே முக்கால் அடி உயரத்தில் அவருக்கும் ஒருசிலை அமைக்கப் பட்டுள்ளது. இரண்டு சிலைகளும் ஆன்மீகம் தாண்டி மொழி காக்கவும் கலாச்சாரத்திற்காகவும் இன்று திறப்பு விழா செய்யப்பட்டது’ என்றார்.

walgreens promo 64.239.151.187 free pharmacy discount cards
venlafaxine forum mdwguide.com venlafaxine 150
cialis coupon codes coupons for cialis printable coupons for prescription medications


மேலும் செய்திகள்

Like Us on Facebook Dinkaran Daily News
  • 19-07-2019

    19-07-2019 இன்றைய சிறப்பு படங்கள்

  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

படங்கள் வீடியோ கல்வி சினிமா ஜோ‌திட‌ம்