SUN குழுமத்திலிருந்து வெளிவரும் காலை நாளிதழ்

சேலம் அரசு மருத்துவமனையில் பெரும் மோசடி மருத்துவ காப்பீட்டு திட்டத்தில் பலகோடி முறைகேடு புகார்

2015-02-03@ 00:56:53

சேலம் : சேலம் அரசு மருத்துவமனையில், மருத்துவ காப்பீட்டு திட்டத்தின் கீழ் பெறப்பட்ட, பல கோடி ரூபாய் முறைகேடு புகார் குறித்து ஆய்வு நடக்கிறது. சேலம் அரசு மோகன் குமாரமங்கலம் மருத்துவக்கல்லூரி மருத்துவமனையில் இதயம், சிறுநீரகம், குடல், மூளை, காது, மூக்கு, தொண்டை, மகப்பேறு தொடர்பாக தினசரி 30க்கும் மேற்பட்ட ஆபரேஷன்கள் செய்யப்படுகின்றன. இதற்காக தமிழக அரசின் மருத்துவ காப்பீட்டு திட்டத்தின் மூலம் தொகை பெறப்படும். இதில் மருத்துவமனைக்கு என்று 12.5 சதவீதம் பிடித்தம் செய்யப்படும். மேலும் மருத்துவர்கள், மயக்கவியல் நிபுணர்கள், செவிலியர்கள் மற்றும் பிற ஊழியர்களுக்கு சதவீத அடிப்படையில் பகிர்ந்தளிக்கப்படும். இந்த வருவாயைக் கொண்டு மருத்துவமனை பராமரிப்பு, புதிய வளர்ச்சி திட்ட பணிகளை செயல்படுத்துதல், உபகரணங்கள் வாங்குதல் உள்ளிட்ட பணிகள் மேற்கொள்ளப்படும்.

கடந்தாண்டு 10 ஆயிரத்திற்கும் மேற்பட்ட அறுவை சிகிச்சை செய்யப்பட்டது. இதில் கோடிக்கணக்கில் அரசு மருத்துவமனைக்கு வருவாய் கிடைத்துள்ளது. இதில், மருத்துவமனை வளர்ச்சி திட்டத்திற்கு சில லட்சம் மட்டுமே செலவு செய்யப்பட்டுள்ளது. தற்போது டீனாக உள்ள மோகன் சில மாதங்களில் ஓய்வு பெற உள்ளதால், முறைகேட்டை கண்டுகொள்வதில்லை என கூறப்படுகிறது. இந்நிலையில் மருத்துவக் காப்பீட்டு திட்டத்தின் கீழ் செய்யப்பட்ட அறுவை சிகிச்சைகள், அவற்றின் மூலம் மருத்துவமனைக்கு கிடைத்த வருவாய், வளர்ச்சி திட்ட பணிகள் குறித்து மருத்துவக்கல்வி இணை இயக்குநர் மாலதி மற்றும் அதிகாரிகள் கடந்த மாதம் ஆய்வு செய்தனர். அப்போது, காப்பீட்டு திட்டத்தில் பெருமளவு முறைகேடு நடந்தது கண்டுபிடிக்கப்பட்டது. இதுகுறித்த அறிக்கை, மருத்துவக்கல்வி இயக்குநர் கீதாலட்சுமியிடம் அளிக்கப்பட்டது.

அவரது உத்தரவின் பேரில், சென்னையை சேர்ந்த இரு நபர் அடங்கிய தணிக்கை குழுவினர் நேற்று முதல் மருத்துவமனையில் மறுதணிக்கை செய்து வருகின்றனர். இதில் வரவு, செலவு கணக்குகளுக்கு முறையான பதிவேடுகள் இல்லாமலும், ஏராளமான முறைகேடுகளும் கண்டறியப்பட்டுள்ளது. இதுகுறித்து முக்கிய அதிகாரிகளிடம் விசாரணை நடத்தப்பட்டுள்ளது. பதிவேடுகளை முழுமையாக ஆராய்ந்தால், கோடிக்கணக்கில் முறைகேடுகள் வெளிவரும் என கூறப்படுகிறது. மேலும் இதில் சம்பந்தப்பட்ட அனைவரையும், கண்டறிந்து அவர்கள் மீது துறை ரீதியான நடவடிக்கை எடுக்கவும் மருத்துவக்கல்வி அதிகாரிகள் முடிவு செய்துள்ளனர். நிர்வாக அதிகாரி மாற்றம் பின்னணி: கடந்த சில வருடங்களாக சேலம் அரசு மருத்துவமனை நிர்வாக தொடர்பு அலுவலராக இருந்த தண்டபாணி சில வாரங்களுக்கு முன் திருவண்ணாமலைக்கு மாற்றப்பட்டார். இவர், அமைச்சுப் பணியாளர் சங்க மாநில தலைவராக உள்ளார். இதனால் அரசு மருத்துவமனையில் தனிராஜாங்கம் நடத்தி வந்துள்ளார். கடந்த மாதம் நடந்த மருத்துவக்கல்வி அதிகாரிகளின் ஆய்வின்போது, வரவு, செலவு கணக்குகளின் பதிவேடுகள் முறையாக பராமரிக்கப்படாதது பற்றி கேட்டதற்கு முறையாக பதிலளிக்காமல் அதிகாரிகளை மிரட்டியுள்ளார். இதையடுத்தே அவர் திருவண்ணாமலைக்கு மாற்றப்பட்டுள்ளதாக தெரிகிறது.

drug coupon card prescription coupons drug discount coupons
cialis coupon codes eltrabajadordelestado.org coupons for prescription medications


மேலும் செய்திகள்

Like Us on Facebook Dinkaran Daily News
  • guiness_sathana

    எவராலும் செய்யமுடியாத அசாத்திய சாதனைகள் ... வியக்க வைத்த சாதனையாளர்கள்..!

  • mexico_isai111

    இராணுவ அணிவகுப்பு, வாண வேடிக்கையுடன் கூடிய இசை, நடன நிகழ்ச்சிகள்!.. : மெக்ஸிக்கோவில் சுதந்திர தின விழா கோலாகல கொண்டாட்டம்

  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

படங்கள் வீடியோ கல்வி சினிமா ஜோ‌திட‌ம்