யானை மிதித்து மூதாட்டி பலி

Date: 2015-02-03@ 00:53:56

தர்மபுரி : தர்மபுரி அருகே மூதாட்டியை, ஒற்றை யானை மிதித்து கொன்ற சம்பவம் பரபரப்பை ஏற்படுத்தியுள்ளது. தர்மபுரி மாவட்டம் பாலக்கோடு அடுத்த மாரண்டஅள்ளி அருகே கடத்திகொல்லுமேடு வனக்கிராமத்தை சேர்ந்தவர் சிவன்செட்டி(75), விவசாயி. இவரது மனைவி முனித்தாயம்மாள் (70). இவர்களது இரு மகன்களுக்கும் திருமணமாகி, தனித்தனியே வசிக்கின்றனர். சிவனும், முனித்தாயம்மாளும் விவசாய நிலத்தையொட்டியுள்ள குடிசை வீட்டில் வசித்து வந்தனர்.

இந்நிலையில் நேற்று காலை 7 மணியளவில், வீட்டு அருகே ஒற்றை பெண் யானை நிற்பதை பார்த்து முனித்தாயம்மாள் அதிர்ச்சியடைந்தார். நீண்ட கம்பால் யானையை விரட்ட முயன்றார். இதனால் கோபமடைந்த யானை, முனித்தாயம்மாளை தும்பிக்கையால் தூக்கி கீழே போட்டு மிதித்து கொன்றது. இதையடுத்து, அங்கு திரண்ட மக்கள், வெடி வைத்து யானையை விரட்ட முயன்றனர். இதில் மிரண்டுபோன யானை கூட்டத்தினரை விரட்டிவிட்டு தப்பியது. பயந்து ஓடியதில், கீழே விழுந்த ஒருவருக்கு பலத்த காயம் ஏற்பட்டது. அவர், தர்மபுரி அரசு மருத்துவமனையில் அனுமதிக்கப்பட்டார்.

how do you know your wife cheated on you thesailersweb.com my spouse cheated on me now what

Like Us on Facebook Dinkaran Daily News