SUN குழுமத்திலிருந்து வெளிவரும் காலை நாளிதழ்

Urban Tree

ஆம்புலன்ஸ்

2015-01-31@ 09:39:18

சாதாரணமான காய்ச்சல், தலைவலி என்றால் வைத்தியரைப் பார்க்க பொடி நடையாகவே சென்றுவிடலாம். நடக்கவே முடியாத ஒருவர்... வாகனப் போக்குவரத்து வசதி இல்லாத அந்தக் காலத்தில் எப்படிச் செல்வார்? அக்காலத்தில் உறுதியான இரண்டு மூங்கில்களுக்கிடையே துணியைக் கட்டி, அதில் நோயாளியைப் படுக்க வைத்து வைத்தியரிடம் தூக்கிச் செல்ல ஆரம்பித்தார்கள். கட்டைவண்டி பயன்பாட்டுக்கு வந்தபோது நோயாளிகளுக்கு கட்டை வண்டியே ஆம்புலன்ஸ் ஆனது. சிலுவைப்போர் நடந்த கி.பி. 11ம் நூற்றாண்டில் போர் வீரர்களைக் காப்பாற்ற குதிரை வண்டி களை இங்கிலாந்தில் பயன்படுத்தினார்கள்.

கி.பி. 17ம் நூற்றாண்டில் நெப்போலியன் போனபார்ட் படையின் தலைமை மருத்துவராக இருந்த டோமினிக் ஜீன் லாரே ஆம்புலன்ஸை வடிவமைத்தார். முதல் உதவிப் பொருட்கள், மருத்துவம் தெரிந்த ஒருவர் வண்டியில் இருக்க வேண்டும் என்று முக்கியமான சில விதிகளை உருவாக்கினார். அமெரிக்கன் சிவில் யுத்தம் நடந்த கி.பி. 1861-65 காலத்தில் லாரேவின் ஆம்புலன்ஸ் வடிவத்தை அமெரிக்கர்கள் இன்னும் நவீனப்படுத்தினார்கள். இந்த வாகனங்களுக்கு ‘ஆம்புலன்ஸ் வேகன்’ என்று பெயரும் வைத்தார்கள்.

1869ல், நியூயார்க் பெவில்யூ மருத்துவமனையில் பொதுமக்களுக்கென முதல் ஆம்புலன்ஸ் அறிமுகப்படுத்தப்பட்டது. இரண்டாம் உலகப்போர் நடந்த 1939-1945 காலகட்டத்தில் ஹெலிகாப்டர் ஆம்புலன்ஸ்கள் பயன்படுத்தப்பட்டன. கடல் வழியாகப் பயணப்படும் போட் ஆம்புலன்ஸ், மொத்தமாக போர் வீரர்களையோ, நோயாளிகளையோ அழைத்துச் செல்லும் ரயில் ஆம்புலன்ஸுகளும் இருந்தன. 1970க்குப் பிறகு, ஆம்புலன்ஸில் பணிபுரிவதற்காகவே மருத்துவர்கள், உதவியாளர்கள், செவிலியருக்குப் பயிற்சி கொடுத்தார்கள். பிறகு, அவசர வாகனம் என்பதைக் குறிக்கும் சுழல்விளக்கு, சைரன் போன்றவை பொருத்தப்பட்டன.

இப்போது அமெரிக்காவில் டைப் 1, டைப் 2, டைப் 3, டைப் 4 என 4 வகை ஆம்புலன்ஸுகள் பயன்படுத்தப்படுகின்றன. நோயாளிக்கு என்ன பிரச்னை என்று கதைச்சுருக்கம் சொன்னால் அதற்கேற்றாற்போல வண்டி அனுப்புவார்கள். இங்கிலாந்தில் இன்னும் ஒரு கிலோமீட்டர் முன்னே போய் ‘ஜூம்புலன்ஸ்’ என்ற வாகனம் பிரபலமாகி வருகிறது. ‘ஹாஸ்பிட்டல் லைஃப் போரடிக்குதுங்க’ என்று போன் அடித்தால், டாக்டரின் அனுமதியுடன் நோயாளி களை ரிலாக்ஸாக பிக்னிக் அழைத்துப் போகும் இந்த ஜூம்புலன்ஸ். இந்த வாகனத்தில் நோயாளிகளுக்குத் தேவையான மருத்துவ வசதிகளுடன், பொழுதுபோக்கு வசதிகளும் நிறையவே இருக்கும்.

சரி... நிறைவாக ஒரு தகவல்...

முன்பு கட்டண சேவையாக நம் ஊரில் இருந்த ஆம்புலன்ஸ், இப்போது இலவச சேவையாக செயல்பட்டு வருவது நமக்குத் தெரியும். அதற்கு ஏன் 108 என்ற எண்ணைப் பயன்படுத்துகிறார்கள் தெரியுமா? ஜனவரி 8 அன்று உலக ஆம்புலன்ஸ் தினமாக உலகமெங்கும் கடைப்பிடிக்கப்பட்டு வருகிறது. 1/08 என்பதன் அடையாளமாகவே 108 என்ற எண்ணை வைத்திருக்கிறார்கள்!

watching my girlfriend cheat prashanthiblog.com my girlfriend cheated
how do you know your wife cheated on you thesailersweb.com my spouse cheated on me now what
walgreens promo site free pharmacy discount cards
plavix tonydyson.co.uk plavix plm
amoxicilline amoxicillin al 1000 amoxicillin nedir

மேலும் செய்திகள்

Like Us on Facebook Dinkaran Daily News
  • 22-09-2018

    22-09-2018 இன்றைய சிறப்பு படங்கள்

  • muharamfest

    நாடு முழுவதும் இஸ்லாமியர்களின் மொஹரம் பண்டிகை இன்று கொண்டாடப்பட்டது

  • nasaevanaktrump

    அமெரிக்காவில் உள்ள நாசாவின் ஜான்சன் விண்வெளி ஆய்வு மையத்தை பார்வையிட்ட இவாங்கா டிரம்ப்

  • florence&trumph

    பிளோரென்ஸ் புயலால் பாதிக்கப்பட்டவர்களை நேரில் சந்தித்து ஆறுதல் கூறிய அமெரிக்க அதிபர் டிரம்ப்

  • greenlandicemelt

    கிரீன்லாந்தில் வெப்பமயமாதலால் உருகும் பனிப்பாறைகள் : கடல் நீர்மட்டம் உயரும் அபாயம்

படங்கள் வீடியோ கல்வி சினிமா ஜோ‌திட‌ம்