SUN குழுமத்திலிருந்து வெளிவரும் காலை நாளிதழ்

புதிய அத்தியாயம்

2015-01-26@ 01:03:15

அமெரிக்க அதிபர் பராக் ஒபாமா, இரண்டாவது முறையாக இந்தியா வந்துள்ளார். மேலோட்டமாக பார்த்தால் இரு நாட்டு உறவை மீண்டும்  உறுதிப்படுத்தவே இந்த பயணம் என்று சொன்னாலும், அதையும் தாண்டி பல முக்கிய விஷயங்களில் அமெரிக்கா முன்னெடுத்து செல்லும் நிலைக்கு  வந்துவிட்டது  என்பதை உணரலாம். இந்த விஷயங்கள், இந்தியாவுக்கு சாதகமாக அமையுமா, பாதகமாக இருக்குமா என்பதை இப்போது கணிக்க  முடியாது; காரணம், அடுத்து வரும் ஆண்டுகளில் உலக அரசியல், பொருளாதாரம், இப்போதுள்ள திசையில்தான் பயணிக்குமா, வேறு திசைக்கு  போகுமா, அதனால், ஒரு நாட்டுக்கு தான் ஆதிக்க சக்தி இருக்குமா, ஒன்றுக்கு மேற்பட்ட நாடுகளின் கைக்கு போகுமா என்பதெல்லாம் கூட  இப்போதைக்கு புகைமூட்டமான சூழ்நிலையில்தான் உள்ளன.

எப்படியிருந்தாலும் ஒபாமா வருகை, இந்த முறை மிக முக்கியத்துவம் வாய்ந்தது என்பது மட்டும் நிச்சயம். வெளிநாட்டு முதலீடு, பொருளாதார,  தொழில்நுட்ப ஒப்பந்தங்கள் என்பதிலும் பல திருப்பங்கள் நேரப்போகிறது. ஒபாமா வருகையை கூர்ந்து பார்த்து கொண்டிருப்பது சீனா என்றால் இந்த  பயணம் எந்த  அளவுக்கு திருப்பங்களை ஏற்படுத்தும் என்று உணரலாம். கடந்த முறை அமெரிக்கா போனபோது மிகவும் ஈர்த்து விட்ட பிரதமர்  மோடியுடன் பேசுவதில் ஒபாமாவுக்கு எந்த தர்மசங்கடமும் இல்லை. அமெரிக்காவை தாண்டி இந்தியா சிந்திக்காது  என்ற உறுதிப்பாடு அவர் மனதில்  ஏற்பட்டு விட்டது. இதனால்தான் இந்தியாவை வல்லரசு அந்தஸ்த்துக்கு கொண்டு செல்ல அவர் நினைப்பதாக அரசியல் வல்லுனர்கள் பார்க்கின்றனர்.

இன்னும் இரண்டாண்டில் சீனாவை இந்தியா பல துறைகளில் பின்தள்ளிவிடும் என்று சர்வதேச நிதியம் (ஐஎம்எப்) ஒரு கணிப்பை வெளியிட்டுள்ளது.  இந்த நிலையில், தனக்கு மறைமுகமாக தொல்லை கொடுக்கும் சீனாவை வளர விடாமல் செய்ய விரும்பும் அமெரிக்காவுக்கு இந்தியாவை  தட்டிக்கொடுப்பதில் கண்டிப்பாக ஆர்வம் இருக்கத்தான் செய்யும். மிக பரந்ததும், வர்த்தக, பொருளாதாரத்தில் வளர்ச்சி பெறும் அனைத்து அம்சங்களும்  கொண்டதுமான மகத்தான ஜனநாயக நாடு என்ற அளவில் சீனாவுக்கு சமமான ஈடு கொடுக்க இந்தியாவால் முடியும் என்று அமெரிக்கா நம்புகிறது.  அந்த காலகட்டத்தை இந்தியா நெருங்கி கொண்டிருக்கிறது என்பதால்தான் தன் போக்கில் மாற்றங்களை ஏற்படுத்தி கொண்டுள்ளது.

காலம் காலமாக ரஷ்யாவின் நட்புறவில் இருந்து, ராணுவ தளவாடங்கள், தொழில்நுட்பங்களை பெற்று வந்த இந்தியா இப்போது அமெரிக்கா பக்கம்  போய்விட்டது. ராணுவ, தொழில்நுட்ப வர்த்தக விஷயங்களில் அமெரிக்காவின் பங்கு அதிகரித்த வண்ணம் உள்ளது. ஏற்கனவே பல சர்ச்சைகளை  உருவாக்கி வந்த அணுசக்தி வர்த்தக விஷயத்தில் முன்னேற்றம் இருப்பதுடன், அமெரிக்க முதலீடு பல மடங்கு பெருகுவதற்கும் வாய்ப்பு அதிகம்.  இன்னொரு முக்கிய விஷயம், மிகப்பெரிய அளவில் உள்ள இந்திய நடுத்தர குடும்பங்களால்தான் அமெரிக்க வர்த்தகம் பெருகும் என்று ஒபாமா  நம்புகிறார். அதற்கேற்ப காய்களை நகர்த்தவும் செய்வார். எந்த அளவுக்கு இது பலன் தரும் என்பது பெரிய கேள்விக்குறி. மொத்தத்தில் இந்தியா  மிகுந்த நம்பிக்கையுள்ள நாடாக அமெரிக்கா கண்ணுக்கு தெரிந்து விட்டது. புதிய அத்தியாயம் படைக்கப்படுமா...?

discount coupons for prescriptions discount prescriptions coupons discount coupon for cialis

ஆயிரத்தில் ஏன்? லட்ச்சத்தில் ஒருவரை தேர்ந்தெடுங்கள் - தமிழ் மேட்ரிமோனியில், பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-09-2017

    26-09-2017 இன்றைய சிறப்பு படங்கள்

  • aerospike_rocket

    செயற்கைக்கோள் ஏவுதல்களில் புரட்சியை உண்டாக்க இருக்கும் ஏரோஸ்பைக் ராக்கெட் - சோதனை ஓட்டத்திற்கு தயார்!

  • chanceller_angel_4

    ஜெர்மனியின் சான்சலர் ஏங்கெலா மெர்கல் 4வது முறையாக ஆட்சியைப் பிடித்தார்

  • silentgarbadance

    நவராத்திரி பண்டிகையை முன்னிட்டு அமைதி கர்பா நடனம்: காதில் ஹெட்போனை அணிந்து புதுவித கொண்டாட்டம்

  • hurricanemariyastorm

    மரியா புயல் தாக்கத்தால் பாதிக்கப்பட்ட பழமையான அணை: நீர் வெளியேறுவதால் வெள்ளக்காடாக காட்சியளிக்கும் தீவு

படங்கள் வீடியோ கல்வி சினிமா ஜோ‌திட‌ம்