SUN குழுமத்திலிருந்து வெளிவரும் காலை நாளிதழ்

அதிகாரமல்ல, அங்கீகாரம்

2015-01-24@ 01:03:02

இலங்கையில் ஏற்பட்ட ஆட்சி மாற்றத்துக்குப் பிறகு தமிழர்கள் வசிக்கும் பகுதிகளுக்கு கூடுதல் அதிகாரம் அளிக்கும் வகையில் அரசியலமைப்புச் சட்டத்தின் 13வது திருத்தம் முழுமையாக செயல்படுத்த தகுந்த நடவடிக்கை எடுக்கப்படும் என்று அறிவிக்கப்பட்டது.இலங்கையின் வடக்கு மற்றும் கிழக்கு மாகாணங்களில் தமிழர்கள் அதிகம் வசித்து வருகின்றனர். தமிழீழம் கேட்டு விடுதலைப் புலிகள் அமைப்பு போரில் ஈடுபட்டது சரியா, தவறா என்ற வாதம் தற்போதும் தொடர்கிறது. இருப்பினும் இலங்கையின் வளர்ச்சியில் அங்குள்ள தமிழர்களின் பங்கு முக்கியமானது. அதைவிட சமீபத்தில் நடந்த அதிபர் தேர்தலில் தங்களின் முக்கியத்துவத்தை தமிழர்கள் உணர்த்தினர். தமிழர்களின் வாக்குகள் மொத்தமாக கிடைத்ததால்தான் மைத்ரிபால சிறிசேன, புதிய அதிபராக அமர முடிந்தது என்பதை அவர் வெளிப்படையாக சொல்லாவிட்டாலும், அதுதான் உண்மை என்பது அவருக்கே தெரியும்.

தமிழர்கள் வசிக்கும் மாகாணங்களுக்கு அதிக அதிகாரம் அளிக்கும் வகையில் கடந்த 1987ம் ஆண்டு இந்தியா, இலங்கைக்கு இடையே ஒப்பந்தம் செய்யப்பட்டது. அதன்படி கொண்டுவரப்பட்டதே அரசியலமைப்புச் சட்டத்தின் 13வது சட்டத் திருத்தம். ஆனால் இதுவரை அது எழுத்து வடிவிலேயே உள்ளது. கடந்த 27 ஆண்டுகளில் இருந்த அரசுகள் அதை நடைமுறைப்படுத்த முன்வரவில்லை. இந்த நேரத்தில் இங்கிலாந்தில் ஏற்பட்டுள்ள அரசியல் மாற்றத்தையும் பார்க்க வேண்டும். வேல்ஸ், ஸ்காட்லாந்து, அயர்லாந்து போன்ற பல்வேறு முடியரசுகள் ஒன்றாக இணைந்ததுதான் யுனைடெட் கிங்க்டம் என்கிற இங்கிலாந்து என்கிற பிரிட்டன். இதில் ஸ்காட்லாந்தைப் பிரித்து தனி நாடாக அறிவிக்கக் கோரி போராட்டங்கள் நடந்தன.

இதற்காக நடந்த வாக்கெடுப்பின்போது, பிரிட்டனுடன் இணைந்து இருக்கவே விரும்புவதாக ஸ்காட்லாந்து மக்கள் வாக்களித்தனர். தங்களுக்கு தேவை தனி நாடல்ல. தனி அதிகாரம், வசதிகள் போன்றவையே என்று ஸ்காட்லாந்து மக்களின் வாக்கெடுப்பு முடிவுகள் கூறுகின்றன. ஸ்காட்லாந்து நாடு சுதந்திரமாக செயல்படுவதற்குத் தேவையான அனைத்து அதிகாரங்களும் விரைவில் வழங்கப்படும் என்று பிரிட்டன் பிரதமர் டேவிட் கேமரூன் அறிவித்ததுடன் அதற்கான செயல்முறை, கால அட்டவணை தயாராகி வருகிறது. இதே நிலையில்தான் இலங்கையில் உள்ள தமிழர்கள் உள்ளனர். ஒடுக்கப்பட்டு வந்த இந்த மக்கள் எதிர்பார்ப்பது அதிக அதிகாரத்தை மட்டுமல்ல, அங்கீகாரத்தை தான்.


மேலும் செய்திகள்

Like Us on Facebook Dinkaran Daily News
  • vetpalar_meenu111

    பிரபல அரசியல் தலைவர்கள் மத்தியில் மீனாட்சியம்மன், மகாத்மா காந்தி வேடமிட்டு வேட்பு மனு தாக்கல் செய்த வேட்பாளர்கள்

  • dubaikenyateacher

    துபாயில் நடைபெற்ற சர்வதேச சிறந்த ஆசிரியருக்கான விருதை வென்ற கென்யா ஆசிரியர்

  • thai_makkal12

    தாய்லாந்தில் பச்சை குத்தும் திருவிழா :பரவசநிலையில் பச்சை குத்தப்பட்ட வடிவத்துடன் இரண்டறக் கலக்கும் மக்கள்

  • flag_hum12

    மக்களவைத் தேர்தல் எதிரொலி : கட்சி கொடி, சின்னங்களுடன் கூடிய வண்ண குடைகள், தொப்பிகள் அமோக விற்பனை

  • idai_hurricane1

    ஆப்பிரிக்காவில் இடாய் சூறாவளி கோரத்தாண்டவம் : 700க்கும் அதிகமானோர் மாண்டனர்

படங்கள் வீடியோ கல்வி சினிமா ஜோ‌திட‌ம்