SUN குழுமத்திலிருந்து வெளிவரும் காலை நாளிதழ்

இது சரி தானா?

2015-01-23@ 01:51:20

மத்திய அரசு பெட்ரோல், டீசலுக்கு மட்டும் கூடுதல் கலால் வரியை உயர்த்தி வருகிறது. ஆனால், விமான எரிபொருளுக்கு கலால் வரி உயர்த்தப்படவில்லை. விசித்திரமான இந்த நடவடிக்கையால் பாதிக்கப்படப்போவது ஏழை மக்கள்தான். பெட்ரோல், டீசலுக்கு கூடுதல் வரி விதிக்கப்படுவதால் கிடைக்கும் வருவாயால், மானியச் சுமையால் அரசுக்கு ஏற்பட்டு வரும் நஷ்டத்தை சமாளிக்க முடியும் என்ற வகையில் பாஜ தலைவர்கள் பேசி வருகின்றனர். கூடுதல் கலால் வரிச்சுமை, மக்கள் மீது ஏற்றப்படவில்லையே என்று சால்ஜாப்பு சொல்வதற்கும் வாய்ப்பு உள்ளது. ஆனால், இந்த வரியை சுமத்தாமல் இருந்தால், அந்த பலனும் மக்களுக்கு கிடைத்திருக்கும்.

ஆட்சிக்கு வருவதற்கு முன்னர், ‘‘சாதாரண மக்களின் மீது சுமை ஏற்றப்படுகிறது; பணக்காரர்கள் மீது மட்டும்தான் காங்கிரஸ் கட்சியினருக்கு கரிசனம்’’ என்றெல்லாம் அடுக்குமொழி வசனங்களில் பாஜ தலைவர்கள் பேசி வந்தனர். ஆனால், ஆட்சிக்கு வந்த பின்னர், அவர்களும் அதே பாதையைத்தான் பின்பற்றுகின்றனர். விமான எரிபொருளுக்கு எவ்வளவு கூடுதல் கட்டணம் விதிக்கப்பட்டாலும், பணக்காரர்களால் அதை சமாளிக்க முடியும். ஆனால், பெட்ரோல், டீசல் வரியால் பாதிக்கப்படப்போவது ஏழை மக்கள்தான். சர்வதேச சந்தையில் இவற்றின் விலை குறைந்தபோதும், அதன் பலன் முழுமையாக மக்களுக்கு அளிக்கப்படாமல் தடுப்பது இந்த கூடுதல் வரிச்சுமைதான். பெட்ரோல், டீசல் சுமைதான், விலைவாசி பெருமளவில் உயர காரணமாக இருந்ததை இப்போதைய ஆட்சியாளர்கள் மறந்திருக்க வாய்ப்பில்லை. இப்போது, சுமை தானாகவே குறைந்து வந்தபோதும், அதை முழுமையாக மக்களுக்கு அளிக்காமல் மத்திய அரசே, குறுக்கே அணைபோடுகிறது.

ஏற்கனவே, மானியங்களை படிப்படியாக குறைக்க வேண்டும் என்று மத்திய நிதியமைச்சர் அருண் ஜேட்லி பேசியிருக்கிறார். ஆட்சிக்கு வரும் வரையில், மக்களுக்கு சாதகமாக தேன்தடவிய பேச்சு; ஆட்சிக்கு வந்தபின்னர் வேப்பங்காய் குளியல் என்ற ரீதியில் மத்திய அரசு நடந்து கொள்வதை பார்க்கும்போது வேதனைதான் மிஞ்சுகிறது. பணக்காரர்கள் மீது காட்டும் அக்கறையை, இருசக்கர வாகனத்தில் நாள் முழுவதும் சென்று உழைக்கும் ஏழைகளையும் மத்திய அரசு நினைவில் கொள்ள வேண்டியது அவசியம்.

is there a cure for chlamydia phuckedporn.com home std test
sms spy app phone monitoring software spy apps free
walgreens promo 64.239.151.187 free pharmacy discount cards


மேலும் செய்திகள்

Like Us on Facebook Dinkaran Daily News
  • guiness_sathana

    எவராலும் செய்யமுடியாத அசாத்திய சாதனைகள் ... வியக்க வைத்த சாதனையாளர்கள்..!

  • mexico_isai111

    இராணுவ அணிவகுப்பு, வாண வேடிக்கையுடன் கூடிய இசை, நடன நிகழ்ச்சிகள்!.. : மெக்ஸிக்கோவில் சுதந்திர தின விழா கோலாகல கொண்டாட்டம்

  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

படங்கள் வீடியோ கல்வி சினிமா ஜோ‌திட‌ம்