SUN குழுமத்திலிருந்து வெளிவரும் காலை நாளிதழ்

வெளிநாடுகளில் பணி புரியும் தொழிலாளர்கள் தாயகத்திற்கு அனுப்பும் பார்சல்களுக்கான கடும் வரி விதிப்பை ரத்து செய்ய தமிழர் அமைப்பு வலியுறுத்தல்

2017-10-05@ 17:39:21

துபாய் : வெளிநாடுகளில் பணி புரியும் தொழிலாளர்கள்  தாயகத்திற்கு அனுப்பும் ரூ 20 ஆயிரம் வரை மதிப்பில் அனுப்படும்  பொருள்களுக்கு கடும் வரி விதிப்பை ரத்து செய்ய துபாய் ஈமான் அமைப்பு சார்பில்  துபாயில் இந்திய துணை தூதர் விபுலிடம் வலியுறுத்தப்பட்டது

 வெளிநாடுகளில் குறிப்பாக வளைகுடா நாடுகளில் லட்சக்கணக்கான இந்திய தொழிலாளர்கள் பணியாற்றி வருகின்றனர்  இந்நிலையில் சமீபத்தில்  மத்திய அரசின் ஜி எஸ் டி வரி விதிப்பு  அமல்படுத்தப்பட்ட பிறகு வெளிநாடுகளில் இருந்து இந்தியாவுக்கு அனுப்பும் பொருள்களுக்கு கடும் வரி விதிக்கப்பட்டுள்ளது . கார்கோ மூலம்  அனுப்பும் பொருள்களுக்கான கட்டணங்கள் கடுமையாக உயர்த்தப்பட்டன. இதனால் வெளிநாடுகளில் இருந்து கார்கோ மூலம் பொருள்கள் அனுப்புவது வெகுவாக குறைந்து விட்டது

 கடந்த 1993ம் ஆண்டு முதல் மத்திய அரசு வெளிநாடுகளில் உள்ளவர்கள் பார்சல்கள் அனுப்ப வரிச்சலுகை வழங்கி இருந்தது. முதலில் ரூ.5 ஆயிரம் வரையுள்ள பார்சல்களுக்கு வரிசலுகை வழங்கப்பட்ட நிலையில் 2010ல் இது ரூ.10 ஆயிரம் ஆகவும், 2016ல் ரூ.20 ஆயிரம் ஆகவும் வரிச்சலுகை வரம்பு உயர்த்தப்பட்டது. இந்த சலுகையைத்தான் மத்திய அரசு ரத்து செய்துள்ளது.   

இதனால் பார்சல் அனுப்பும் கட்டணஙக்ள்கடும் உயர்வால்  வெளிநாடுகளில் பணி புரியும் தொழிலாளர்கள் இந்தியாவிலிருந்து தங்களது இல்லங்களுக்கு  தாங்கள் விரும்பிய பொருட்களை அனுப்ப முடியாத சூழல் நிலவுகிறது.

எனவே  வெளிநாடுகளில் இருந்து தொழிலாளர்கள் அனுப்பும் ரூ20 ஆயிரத்திற்கு உட்பட்ட பொருள்களுக்கு வரி விதிப்பை ரத்து செய்ய வேண்டும் என வெளிநாடு வாழ் இந்தியர்கள் கோரிக்கை குரல் எழுப்பியுள்ளனர். இதனை வலியுறுத்தில் துபாயில்  தமிழகத்தை சேர்ந்தவர்கள் நிர்வாகிகளாக செயலபடும் துபாய் ஈமான் கல்ச்சுரல் சென்டர்   சார்பில்  தலைவர் ஹபீபுல்லாஹ்கான் , பொது செயலாளர் ஹமீது யாசின், பொருளாளர் ஒபூர், ஊடகத்துறை செயலாளர் ஹிதாயத்துல்லா உள்ளிட்டோர்  துபாய்  இந்திய துணை தூதர் விபுலிடம் நேரில் சந்தித்து  வலியுறுத்தி மனு அளித்தனர்.

மேலும் செய்திகள்

Like Us on Facebook Dinkaran Daily News
  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

  • 18-07-2019

    18-07-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்