அமெரிக்கா: ஒமஹா, நெப்ராஸ்காவில் விநாயகர் சதுர்த்தி வருடம் மிகவும் விமர்சையாக கொண்டாடப்படுகிறது. இந்த வருடமும் நான்கு நாள் உத்சவமாக கொண்டாடப்பட்டது. முதல் நாள் மூலவருக்கு அபிஷேகத்தில் தொடங்கி, வேத பாராயணம், வித்யா கணபதி பூஜை, கணபதி ஹோமம் உள்ளிட்டவை நடைபெற்றது. கோவிலின் தொண்டர்கள் விநாயகரை பூ அலங்காரத்தில் அலங்கரித்தார்கள். பிள்ளையாருக்கு 108 விதமாக பிரசாதங்கள் நெய்வேதியும் செய்தனர். இந்த விழாவில் ஏராளமான பக்தர்கள் கலந்து கொண்டு விநாயகரின் அருளைப் பெற்றுச் சென்றனர்.