ஹாங்காங்: ஹாங்காங் ஹேப்பிவேலி இந்து கோயிலில், திருப்புகழ் சங்கம் சார்பில் பங்குனி உத்திரம் கொண்டாடப்பட்டது. பக்தர்கள் காவடி, பால்குடம் எடுத்து கொண்டு ஊர்வலம் வந்தனர். ஊர்வலம் வந்த பொருட்களை கொண்டு முருகப்பெருமானுக்கு அபிஷேகம் செய்தனர். பின்பு முருகப்பெருமானுக்கு வெள்ளிக்கவசம் சாட்டப்பட்டு தீபாராதனை காட்டப்பட்டது. பின்பு திருக்கல்யாணமும் நடைபெற்றது. விழாவில் கலந்து கொண்ட அனைவருக்கும் விருந்து வழங்கப்பட்டது.