சிங்கப்பூர்: சிங்கப்பூரில் உள்ள ஸ்ரீ மகா மாரியம்மன் ஆலயத்தில் மகா சிவராத்திரி விழா கோலாகலமாக கொண்டாடப்பட்டது. ஸ்ரீ விசாலாட்சி சமேத ஸ்ரீ விஸ்வநாத சுவாமிக்கு நான்கு கால பூஜைகள், அபிஷேகங்கள், அலங்காரங்கள், மகா தீபாராதனை என இரவு முழுவதும் கண் விழித்து பக்தர்கள் சிவபெருமானை வழிபட்டனர். மகா பிரதோஷ வழிபாட்டுக்குப் பின் சர்வ அலங்கார நாயகர்களாக விசாலாட்சி சமேத ஸ்ரீ விஸ்வநாத சுவாமி ஆலயம் வலம் வந்தார். இவ்விழாவில் பக்தர்கள் குடம் குடமாக நேர்த்திக்கடன் செலுத்திய பால் குடத்தை சிவபெருமானுக்கு அபிஷேகம் செய்தனர்.