SUN குழுமத்திலிருந்து வெளிவரும் காலை நாளிதழ்

காயம் இனி மாயமாகும்!

2018-05-25@ 16:18:21

நன்றி குங்குமம் டாக்டர்

செய்திகள் வாசிப்பது டாக்டர்

அதிவிரைவில் காயங்களை ஆற்றுவதற்கான நவீன டிரஸ்சிங் முறையை சென்னை ஐஐடி பல்கலைக்கழகம் கண்டுபிடித்துள்ளது. இந்த புதிய சிகிச்சையின் மூலம் சர்க்கரை நோயாளிகளின் காயத்தையும் ஆற்றிவிட முடியும் என்பது மகிழ்ச்சிக்குரிய செய்தி.

மிகக் குறைந்த அளவு Graphene oxide ஏற்றப்பட்ட Nanocomposites dressing சிகிச்சை முறையின் மூலம் வேகமாக காயங்களை ஆற்றிவிட முடியும் என்பதுதான் கண்டறியப்பட்டுள்ளது. ஐஐடி பல்கலைக்கழகத்தின் உதவிப் பேராசிரியர் விக்னேஷ் முத்துவிஜயன், தன்னுடைய ஆராய்ச்சி மாணவர் பொன்ராகவுடன் இணைந்து இந்த சிகிச்சையை உருவாக்கியுள்ளார்.

ஆரோக்கியமான நபருக்கு இயல்பாக ஏற்பட்ட காயத்தில் பரிசோதித்துப் பார்த்தபோது சிகிச்சை ஏதுமின்றி 23 நாட்களில் காயம் ஆறியது. அதுவே Nanocomposites dressing  நவீன சிகிச்சைமுறையில் காயம் ஆறுவதற்கு 16 நாட்கள் மட்டுமே ஆனது. இதேபோல சர்க்கரை நோயாளிகளுக்கு ஏற்பட்ட காயம் சிகிச்சை ஏதுமின்றி ஆறுவதற்கு 26 நாட்களும், இந்த நவீன சிகிச்சை முறையில் 20 நாட்களும் மட்டுமே ஆனது.

வழக்கமாக நீரிழிவாளர்களுக்குக் காயம் ஏற்பட்டால் ஆறுவதற்கு கால தாமதம் உண்டாகும். பாதிப்பு ஏற்படும் தீவிரத்தைப் பொருத்து உடல் உறுப்புகளை அகற்ற வேண்டிய நிலையும் ஏற்படலாம்.

இந்நிலையில் Nanocomposites dressing முறையின் மூலம் நீரிழிவாளர்களுக்குக் காயம் ஏற்பட்டால் விரைவாக ஆற்றி விட முடியும் என்பதும், கையையோ, காலையோ அகற்ற வேண்டிய தேவை இல்லை என்பதும் வரவேற்பைப் பெறும் செய்தியாகவே இருக்கும். விலங்குகளிடம் வெற்றி பெற்ற இந்த சிகிச்சை விரைவில் நடைமுறைக்கு வந்தால் காயத்தால் அவதிப்படுகிற பலரும் பலன் பெறுவார்கள்!

- கௌதம்

மேலும் செய்திகள்

Like Us on Facebook Dinkaran Daily News
  • 27-06-2019

    27-06-2019 இன்றைய சிறப்பு படங்கள்

  • mo

    அமெரிக்க வெளியுறவுத்துறை அமைச்சர் மைக் பாம்பியோ பிரதமர் நரேந்திர மோடியுடன் சந்திப்பு

  • 4l

    ஓரின சேர்க்கை உரிமைகள் இயக்கத்திற்கான 50 வது ஆண்டு விழா கொண்டாட்டம்

  • c1

    ஈராக் போரில் துணிச்சலுடன் செயல்பட்ட வீரருக்கு அதிபர் டொனால்ட் டிரம்ப் பதக்கம் வழங்கினார்

  • b

    இடம்பெயருதலை தடுக்க அமெரிக்கா,மெக்ஸிகோ இடையிலான எல்லையில் 15,000 தேசிய பாதுகாப்பு படையினர் குவிப்பு

படங்கள் வீடியோ கல்வி சினிமா ஜோ‌திட‌ம்