SUN குழுமத்திலிருந்து வெளிவரும் காலை நாளிதழ்

கண்காட்சிகளின் கதை

2017-11-10@ 14:53:46

நன்றி குங்குமம் டாக்டர்

‘‘நோயாளிகளைக் காப்பாற்றுவதில் முக்கிய பங்கு வகிப்பவை மருத்துவ சாதனங்கள். எனவே, அவற்றில் தரமானதைத் தேர்ந்தெடுத்து வாங்குவதற்கு உதவி செய்பவை மருத்துவக் கண்காட்சிகள்’’ என்கிறார் தீவிர சிகிச்சை மற்றும் மயக்க மருந்து நிபுணரான மணிவண்ணன். மருத்துவ கண்காட்சிகளை பல இடங்களிலும் தொடர்ந்து நடத்திவரும் அவர், அதன் பின்னணியில் இருக்கும் தன்னுடைய அனுபவத்தை நம்மிடம் பகிர்ந்துகொள்கிறார்.

‘‘சென்னை மருத்துவக் கல்லூரியில் எம்.பி.பி.எஸ்., முடித்தபிறகு, டெல்லியில் அனஸ்தீசியா படித்தேன். அதன் பிறகு, 1999-ம் வருடம் திருச்சியில் மருத்துவமனை ஒன்றை என்னுடைய மருத்துவ நண்பர்களுடன்  தொடங்கினேன். கல்வி ரீதியாக நாங்கள் அறிவு பெற்றிருந்தாலும் ஒரு மருத்துவமனையை எப்படி நிர்வகிப்பது, நோயாளிகளுக்குத் தேவையான வசதிகளை எப்படி செய்து கொடுப்பது, என்னென்ன கருவிகள் எங்கெங்கு கிடைக்கும் என்பது பற்றி எல்லாம் எங்களுக்குத் தெரியாது. அது மட்டுமல்லாமல் திருச்சி போன்ற நகரங்களில் மருத்துவம் தொடர்பாக கருத்தரங்குகளும் நடைபெறாது.

எனவே, மருத்துவமனை நிர்வாகம் தொடர்பாக ஒவ்வொன்றாகத் தெரிந்துகொள்ள ஆரம்பித்தோம். அதன் பின்னரே, மருத்துவமனை நிர்வாகம் பற்றிப் பல விஷயங்கள் புரிந்தது. எனவே, மற்றவர்களும் நம்மைப் போல் தடுமாறக்கூடாது என்பதற்காகவும், எங்கள் முயற்சியால் கிடைத்த பயன்கள் மற்றவர்களுக்கும் கிடைக்க வேண்டும் என்பதற்காகவும் கண்காட்சிகளை நடத்தத் தொடங்கினோம்.

முதன்முதலாக, 2006-ம் ஆண்டில் சென்னை ராஜா அண்ணாமலைபுரத்தில் மருத்துவ உபகரணங்களின் கண்காட்சியை நடத்தினோம். அதனைத் தொடர்ந்து கடந்த 12 வருடங்களாகக் கண்காட்சிகளை நடத்தி வருகிறோம். வெளிநாடுகளில் தயாராகும் அதிநவீன கருவிகளையும், மருத்துவர்களையும் ஒரே இடத்தில் சந்திக்க வைப்பதுதான் இந்த கண்காட்சிகளின் குறிக்கோள்’’ என்கிறார்.

- விஜயகுமார்

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-05-2018

    26-05-2018 இன்றைய சிறப்பு படங்கள்

  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

படங்கள் வீடியோ கல்வி சினிமா ஜோ‌திட‌ம்