SUN குழுமத்திலிருந்து வெளிவரும் காலை நாளிதழ்

நல்ல உடல் நலத்திற்கு.

2017-08-23@ 14:06:10

நன்றி குங்குமம் தோழி

துளசி டீ

பெரிய ஜாரில் 10 முதல் 15 துளசி இலைகளை போட்டுக் கொள்ளவேண்டும். நன்கு கொதிக்கும் நீர் இரண்டு கப் அதில் ஊற்றி மூடிவைத்து விடவேண்டும். ஐந்து நிமிடங்கள் கழிந்த பின் இலைகளை வடிகட்டி அருந்த வேண்டும்.

ரோஸ்மெரி டீ

சுடுநீரில் ஒன்றரை ஸ்பூன் ரோஸ்மெரி சேர்க்க வேண்டும். ஐந்து நிமிடங்கள் மூடிவைக்க வேண்டும். பின் வடிகட்டி வெது வெதுப்பாக அருந்தலாம். ஒரு நாளைக்கு 2 அல்லது 3 முறை இதை பருகலாம். குறிப்பு: கால்-கை வலிப்பு, உயர் ரத்த அழுத்தம் அல்லது ரத்தப்போக்கு குறைபாடுகள் இருப்பவர்களும், கர்ப்பிணிகளும் இதனை தவிர்ப்பது நல்லது.

ரோஸ்மெரி

இதில் சார்னோசால் மற்றும் ரோஸ்மாரினிக் அமிலம் இருப்பதால் உடல் நலத்துக்கு மிகவும் நல்லது. இதில் ஆன்டி ஆக்சிடன்ட் அதிகமாக உள்ளது. ரோஸ்மெரி இலையை உணவில் சேர்த்துக் கொள்வதனால் ஞாபகத்திறன் மற்றும் கவனம் மேம்படுகிறது. ரோஸ்மெரி பதட்டம், படபடப்பு, தலைவலி, மனஅழுத்தம், மூட்டு வலி, வீக்கம் ஆகியவற்றை குறைப்பதோடு முடி வளர்ச்சியையும் தூண்டுகிறது. சூப், சாலட், சாண்ட்விச் போன்றவற்றில் சேர்த்து சாப்பிடலாம்.

இஞ்சி

உடலில் உள்ள நச்சுத் தன்மையைக் குறைத்து உடலுக்கு எதிர்ப்பு சக்தியை அளிக்கிறது. உடல் முழுதும் ரத்த ஓட்டத்தை அதிகரிக்கிறது. பருவ மாற்றத்தால் ஏற்படும் சளி, கரகரப்பை சரி செய்யும். உடல் வீக்கத்தை குறைக்கும், ஜீரண சக்தியை அதிகரிக்கும், ரத்த சர்க்கரையை சீராக வைக்கும், நெஞ்செரிச்சல், வயிறு உப்புசம், குமட்டல் போன்றவற்றை குணமாக்குகிறது. பாக்டீரியா, வைரஸ், பூஞ்சையினால் உடலில்  எந்த பாதிப்பும் வராமல் பாதுகாக்கிறது. ஏதேனும் ஒரு வகையில் தினமும் உணவில் இஞ்சியை சேர்த்துக்கொள்வது நல்லது.

இஞ்சிச்சாறு

இஞ்சியை பொடிப்பொடியாக நறுக்கி வைத்துக் கொள்ள வேண்டும். ஒரு பாத்திரத்தில் இரண்டு கப் தண்ணீர் ஊற்றி கொதிக்க வைக்க வேண்டும். நறுக்கி வைத்த இஞ்சி துண்டுகளை ஒரு ஸ்பூன் வீதம் சேர்த்து கொதிக்க விடவேண்டும். இறக்கிய பின் வடிகட்டி, தேன் மற்றும் எலுமிச்சைச் சாறு சேர்த்து அருந்தலாம். குறிப்பு: இதயம் மற்றும் அதிக ரத்த அழுத்தத்திற்கு மருந்து சாப்பிடுவோர், மருத்துவர் பரிந்துரைத்தால் மட்டுமே இஞ்சி சாப்பிட வேண்டும்.

-பி.கமலா தவநிதி

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 21-01-2018

    21-01-2018 இன்றைய சிறப்பு படங்கள்

  • Hungarystudentsstruggle

    ஹங்கேரியில் கல்வி தரத்தை உயர்த்த கோரி ஆயிரக்கணக்கணக்கான மாணவர்கள் போராட்டம்

  • colambiaparaglidingworldcup

    கொலம்பியாவில் உலகக் கோப்பை பாராகிளைடிங் போட்டி: பல்வேறு பகுதியிலிருந்து வீரர்கள் உற்சாகமாக பங்கேற்பு

  • turkey_dust_storm

    துருக்கி, சிரியா ஆகிய நாடுகளில் வீசிய புழுதிப் புயல்: பொதுமக்களின் இயல்பு வாழ்க்கை பாதிப்பு

  • republic_vilaaa

    குடியரசு தின விழா : வண்ணமயமான ஒளியில் மின்னும் ராஷ்திரபதி பவன்

படங்கள் வீடியோ கல்வி சினிமா ஜோ‌திட‌ம்