SUN குழுமத்திலிருந்து வெளிவரும் காலை நாளிதழ்

குறைந்த கட்டணத்தில் புற்றுநோய் சிகிச்சை

2019-12-03@ 11:53:44

நன்றி குங்குமம் டாக்டர்

இந்தியாவில் புற்றுநோய் சிகிச்சைக்கு அணு ஆற்றல் துறையின் பங்களிப்பை பயன்படுத்துவது குறித்த அறிக்கையை, நாடாளுமன்ற நிலைக்குழு தயாரித்துள்ளது. இக்குழுவில் இடம் பெற்றுள்ள அறிவியல் மற்றும் தகவல் தொழில்நுட்பம், சுற்றுச்சூழல், வனத்துறை மற்றும் பருவநிலை மாற்றத்துக்கான கமிட்டிகள் நாடாளுமன்ற கமிட்டித் தலைவர் ஜெய்ராம் ரமேஷ் தலைமையில் நவம்பர் 11 அன்று மாநிலங்களவைத் தலைவர் வெங்கையா நாயுடுவிடம் அறிக்கையை சமர்ப்பித்தன.

இந்த அறிக்கையில் அணு ஆற்றல் துறையின் உதவியுடன் மும்பையில் செயல்பட்டுவரும் டாடா நினைவு அறக்கட்டளையின் மூலம் புற்று நோய் சிகிச்சைக்கான மருத்துவ மையங்களை அமைக்கவும், நாடு முழுவதும் பெரிய அளவில் புற்று நோய் மையங்களை டாடா நினைவு அறக்கட்டளை எடுத்து நடத்தவும் பரிந்துரை செய்யப்பட்டுள்ளது. மேலும் நாட்டில் 68 சதவீத புற்று நோயாளிகள் இறப்பது குறித்து கவலை தெரிவித்த நாடாளுமன்ற நிலைக் குழு, புற்று நோய்க்கான சிகிச்சை குறைந்த கட்டணத்தில் மக்களுக்கு கிடைக்கும் வகையில் அதன் உள்கட்டமைப்பை மேம்படுத்த நடவடிக்கை எடுக்கும்படியும் பரிந்துரைத்துள்ளது. அணு ஆற்றல் துறை அமைச்சரின் தலைமையில் அனைத்து மாநிலங்களின் முதன்மை செயலாளர்கள், யூனியன் பிரதேசங்களின் நிர்வாகத்தினர், டாடா நினைவு அறகட்டளையின் இயக்குனர் ஆகியோர் அடங்கிய வழிகாட்டும் குழுவை அமைக்கவும் அந்த அறிக்கையில் பரிந்துரை செய்யப்பட்டுள்ளது.

- கௌதம்

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்