SUN குழுமத்திலிருந்து வெளிவரும் காலை நாளிதழ்

போர்னோகிராபியை பற்றி பெண்கள் என்ன நினைக்கிறார்கள்?!

2019-08-05@ 14:34:41

நன்றி குங்குமம் டாக்டர்

ஆராய்ச்சி


ஆண்கள் காட்சித்தூண்டுதலுக்கு ஆட்படுகிறவர்கள். அதனால்தான் ஒரு பெண்ணைப் பார்த்த உடனே காதலில் விழுகிறார்கள். ஆனால், பெண்கள் அப்படி காட்சித்தூண்டலுக்கு ஆட்படுகிறவர்கள் அல்ல. அதன் பின்னிருக்கும் காரண, காரியங்களை ஆராய்ந்து முடிவெடுக்கிறவர்கள் என்றே இதுவரையிலும் உளவியலாளர்கள் குறிப்பிட்டிருக்கிறார்கள். புதிய ஆய்வு ஒன்று இதன் அடிப்படையில் மேற்கொள்ளப்பட்டு அதன் முடிவுகள் இப்போது வெளியாகியிருக்கிறது.

நீண்ட நெடுங்காலமாக, ‘பாலியல் விஷயத்தில் பெண்களை விட ஆண்கள் அதிக அக்கறை காட்டுகிறார்கள்’ என்ற நம்பிக்கையும் இன்றளவும் இருந்து வருகிறது. பிரபல உளவியலும், ஆண்கள் அதிக பார்வை சார்ந்தவர்கள், பாலியல் தூண்டுதல் படங்களுக்கு அல்லது அவர்களுக்கு முன்னால் இருக்கும் நபரின் உடலுக்கு பதிலளிப்பதாக கூறுகிறது.

பெண்களோ, ஒரு நெருக்கமான உறவோடு தொடர்புடைய மிகவும் உணர்ச்சிவசப்பட்டவர்களாக கருதப்படுகிறார்கள். இந்த சிந்தனை ஆண்கள் மற்றும் பெண்களின் மூளை உண்மையில் விழிப்புணர்வை வித்தியாசமாக செயலாக்குகிறது என்று பரிந்துரை செய்தது.

‘சாதாரணமாக பாலியல் தூண்டுதல் என்பது ஒரு மாறுபடக்கூடிய, ஒருங்கிணைந்த நரம்பியல் இயற்பியல் செயல்முறையாகும். இது பெரும்பாலும் காட்சித் தூண்டுதல்களால் தூண்டப்படுகிறது. இதில் பதிலளிக்கும் அறிவாற்றல் செயல்நிலைதான் முதல் கட்டமாக இருக்கிறது. அடுத்த கட்டத்தில்தான் பாலியல் வேறுபாடுகள் ஏற்படுகின்றன’ என கூறியிருக்கிறது இந்த புதிய ஆய்வு.

ஜெர்மனியின் Max Planck Institute for Biological Cybernetics நிறுவனத்தின் ஆராய்ச்சிக்குழுவின் இணை ஆசிரியரான ஹமீத் நூரி இது பற்றி கூறுகையில், ‘வழக்கமான, இதுவரை நம்பப்பட்ட ஒரு கருத்தை எங்கள் ஆய்வின் சவாலாக ஏற்றோம். நரம்பியல் அடிப்படையில் ஆய்வு மேற்கொண்டபோது ஆண்கள் மற்றும் பெண்களின் மூளை ஆபாசக் காட்சிகளுக்கு ஒரே மாதிரிதான் பதிலளிக்கிறது’ என்கிறார்.

வெவ்வேறு உயிரியல், பாலியல் மற்றும் பாலியல் நோக்குநிலை கொண்ட வயது வந்தோர் சம்பந்தப்பட்ட 61 வெளியிடப்பட்ட ஆய்வுகளின் முடிவுகளை பகுப்பாய்வு செய்ததின் மூலம் தாங்கள் இந்த ஆய்வின் முடிவுக்கு வந்ததாக தேசிய அறிவியல் அகாடமியின் செயல்முறைகளைப்பற்றி எழுதியிருக்கிறார்கள்.

மேலும் ஆய்வுக்கு எடுத்துக் கொள்ளப்பட்டவர்களின் மூளை, ஸ்கேனிங் இயந்திரத்தின் உள்ளே இருக்கும்போது பாலியல் படங்கள் மற்றும் சிற்றின்பத்தில் ஈடுபடும் படங்கள் காட்டப்பட்டன. பங்கேற்பாளர்கள் அனைவரும் படங்கள் காண்பிப்பதற்கு முன்பும், பாலியல் படங்களால் தூண்டப்பட்டதையும் ஸ்கேன் செய்து மதிப்பிடப்பட்டதாகவும் தெரிவித்துள்ளனர்.

இதற்கு முந்தைய ஆய்வுகளில் பெண்களை விட ஆண்களே காட்சித்தூண்டல் மற்றும் போர்னோ படங்களால் தூண்டப்படுவதாகக் கூறியுள்ளன. மேலும் இந்த வேறுபாடுகள் மூளை தூண்டுதல்களைச் செயலாக்கும் விதத்தில் இருக்கக்கூடும் என்றும் சொல்லப்பட்டது. ஆனால், தற்போதைய ஆய்வுகள் வெவ்வேறு முடிவுகளை அளித்துள்ளது குறிப்பிடத்தக்கது.

‘இரு உயிரியல் பாலினங்களுக்கும், பாலியல் படங்கள் காட்டப்படும்போது Amygdala, Insula மற்றும் Striatum உள்ளிட்ட ஒரே மூளைப்பகுதிகளில் செயல்பாட்டில் குறிப்பிடத்தக்க மாற்றம் எதுவும் இல்லை. மேலும் பெண் பாலுணர்வைச் சுற்றி நிறைய மேலோட்டமான கருத்துகள் உள்ளன. பெண்கள் காட்சிகள்ரீதியான விஷயங்களை விரும்புவதில்லை என்கிற விஷயத்தில் ஆண்களைப் போல வெளிப்படையான தகவல் தெரிவிக்காதவர்களாக இருக்கலாம்.

ஒருவேளை பெண்ணுக்கு இரண்டாம் நிலை தடுப்பு விளைவுகள் இருப்பதால் அவை உண்மையில் உணர்வதையும், வெளிப்படுத்துவதையும் தடுக்கலாம். ஆனாலும் குறைந்தபட்சம் இந்த தருணத்தில் ஆண்களும் பெண்களும் இந்த விஷயத்தில் பெரிய  வித்தியாசமாக இல்லை என்பதையே எங்கள் ஆய்வு சுட்டிக்காட்டுகிறது.

காலம் நவீனமடைதல், பெண்களின் கல்வி மற்றும் பொருளாதாரத்தில் ஏற்பட்டிருக்கும் மாற்றம், தொழில்நுட்ப வளர்ச்சி போன்றவை இத்தகைய மாற்றங்களை பெண் மூளை அமைப்பில் உருவாக்கியிருக்கலாம் அல்லது ஏற்கெனவே இத்தகைய அமைப்பை உடையதாகவும் இருக்கலாம். இதுபற்றி இன்னும் ஆய்வுகள் தேவைப்படுகின்றன’ என்கிறார் ஆராய்ச்சியை மேற்கொண்ட நூரி.

- என்.ஹரிஹரன்

மேலும் செய்திகள்

Like Us on Facebook Dinkaran Daily News
  • RoboChefOdisha

    உள்நாட்டில் தயாரிக்கப்பட்ட ரோபோக்களை உணவு பரிமாறும் பணியில் ஈடுபடுத்தியுள்ள ஒடிசா உணவகம்: புகைப்படங்கள்

  • AIADMK48

    அதிமுகவின் 48வது ஆண்டு தொடக்க விழா: எம்.ஜி.ஆர், ஜெயலலிதா சிலைகளுக்கு மாலை அணிவித்து ஈபிஎஸ், ஓபிஎஸ் மரியாதை

  • KateWilliamNorthPak

    அரசு முறை பயணமாக பாகிஸ்தான் சென்றுள்ள இங்கிலாந்து இளவரசர்: பழங்குடியினர் நடன நிகழ்ச்சியை கண்டு உற்சாகம்

  • SouthPhilippinesEQ

    பிலிப்பைன்ஸ் நாட்டின் தெற்கு பகுதியை உலுக்கிய சக்திவாய்ந்த நிலநடுக்கம்: 5 பேர் உயிரிழப்பு..கட்டிடங்கள் சேதம்!

  • 17-10-2019

    17-10-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்