SUN குழுமத்திலிருந்து வெளிவரும் காலை நாளிதழ்

சீக்கிரம் கிளம்புங்க ஸார்...

2019-02-19@ 12:35:01

நன்றி குங்குமம் டாக்டர்

Centre Spread Special

அலுவலகத்துக்குத் தாமதமாகப் போவது எவ்வளவு தவறோ, அதேபோல் அலுவலகத்திலிருந்து தாமதமாகக் கிளம்புவதும் நல்லதல்ல என்கிறது சமீபத்திய மருத்துவ ஆய்வு ஒன்று. ‘அலுவலகத்துக்கும் ஆரோக்கியத்துக்கும் என்ன சம்மந்தம்’ என்று லாஜிக்காகக் கேள்வி கேட்டால், நியாயமான பதில் ஒன்றை ஆதாரமாகக் காண்பிக்கிறது European Heart Journal.இங்கிலாந்தைச் சேர்ந்த ஆராய்ச்சியாளர்கள், இதயம் தொடர்பான ஆய்வு ஒன்றினைச் சமீபத்தில் மேற்கொண்டனர். பல மணி நேரம் தொடர்ந்து வேலை செய்பவர்களின் இதயம் என்னென்ன மாதிரியான மாற்றங்களுக்குள்ளாகிறது என்பதுதான் இந்த ஆய்வின் சாராம்சம். இதில் தொடர்ச்சியாக நீண்ட நேரம் பணிபுரிவர்களுக்கு சீரற்ற இதயத்துடிப்பை உண்டாக்கும் A-fibrilation ஏற்படுகிறது என்பது கண்டறியப்பட்டுள்ளது.

பொதுவாக வார நாட்களில் வழக்கமான பணி நேரம் 35 முதல் 40 மணி நேரம். இந்த குறிப்பிட்ட நேர அளவில் செய்பவர்களுடன் ஒப்பிட்டுப் பார்க்கும்போது, 55 அல்லது அதற்கும் மேற்பட்ட மணி நேரம் வேலை செய்பவர்கள் பாதிப்புக்குள்ளாவதாகக் கண்டறியப்பட்டுள்ளது.டென்மார்க், பின்லாந்து, ஸ்வீடன் மற்றும் இங்கிலாந்து ஆகிய ஐரோப்பிய நாடுகளைச் சேர்ந்த 85,494 பேரிடம் இருந்து பெறப்பட்ட புள்ளிவிபரங்கள் அடிப்படையில், இந்த ஆய்வு மேற்கொள்ளப்பட்டுள்ளது. ஏறக்குறைய 40 சதவீதத்தினர் Atrial Fibrilation (A-fib) பிரச்னையில் இருப்பதும் உறுதி செய்யப்பட்டது. ஆராய்ச்சியில் கலந்துகொண்டவர்களில் பெரும்பாலானோருக்கு A-Fib பிரச்னை இருப்பதே தெரியவில்லை என்பது இன்னோர் அதிர்ச்சியூட்டும் தகவல்.

‘எனவே, திட்டமிட்டு வேலையை முடிக்கக் கற்றுக் கொள்ளுங்கள். தேவைப்படுகிற உதவிகளை சக ஊழியர்களிடம் தயங்காமல் கேளுங்கள். எல்லாவற்றையும் நானே செய்தேன் என்ற பெருமைக்காக இழுத்துப் போட்டுக் கொண்டும் அவதிப்படாதீர்கள். பாதியிலேயே வேலைகளைக் கிடப்பில் போட்டு விட்டு சீக்கிரம் ஓடினால், அது வேலைக்கு நல்லதல்ல என்பதை நினைவில் கொள்ளுங்கள்’ என்று போனஸாக அறிவுரையையும் வழங்கியிருக்கிறார்கள் ஆய்வாளர்கள்!

- வி.ஓவியா

மேலும் செய்திகள்

Like Us on Facebook Dinkaran Daily News
  • 23-07-2019

    24-07-2019 இன்றைய சிறப்பு படங்கள்

  • rally

    சீனாவில் அமைதியை நிலை நிறுத்தும் வகையில் நடைபெற்ற பேரணி: லட்சக்கணக்கான மக்கள் பங்கேற்பு

  • slide

    சீனாவில் பார்வையாளர்களை வெகுவாக கவர்ந்த வாட்டர் ஸ்லைடு பூங்கா: புகைப்படங்கள்

  • torch

    சீனாவில் நடைபெற்ற டார்ச் திருவிழா: நாட்டுப்புற பாடல்கள் பாடியும், நடனமாடியும் மக்கள் உற்சாகம்

  • statue

    சாலைகளில் வைக்கப்பட்டுள்ள சிலைகள் உயிர் பெற்றால் எப்படியிருக்கும்? என்ற கற்பனைக்கு உயிர் கொடுத்தனர் பெல்ஜியம் சித்திரக் கலைஞர்கள்

படங்கள் வீடியோ கல்வி சினிமா ஜோ‌திட‌ம்