SUN குழுமத்திலிருந்து வெளிவரும் காலை நாளிதழ்

பலவானே புத்திமான்!

2018-07-04@ 11:54:53

நன்றி குங்குமம் டாக்டர்

Centre Spread Special

‘ஆரோக்கியமான உடல் தகுதி கொண்ட குழந்தைகள் கல்வித்திறனிலும் சிறந்து விளங்குகிறார்கள்’ என்று ஸ்பெயினிலுள்ள University of Grenada-வின் சமீபத்திய ஆராய்ச்சி ஒன்று கூறியிருக்கிறது.

இந்த ஆய்வுக்காக 8 முதல் 11 வயது வரையுள்ள 101 குழந்தைகளின் கல்வித்திறனை ஆராய்ச்சியாளர்கள் கணக்கில் எடுத்துக் கொண்டனர். நல்ல உடல் உறுதி கொண்டவர்கள் மற்றும் உடல் உறுதி மோசமானவர்கள் என இருபிரிவுகளாக இவர்கள் பிரிக்கப்பட்டு, அவர்களின் அறிவுத்திறனை பரிசோதிக்கும் விதத்திலான கேள்விகள் கேட்கப்பட்டது.

ஆய்வின் முடிவில் உடலுறுதி குறைவாக இருக்கும் குழந்தைகள் அறிவுத்திறனிலும் குறைவாக இருந்தது கண்டுபிடிக்கப்பட்டதோடு, அது அவர்களின் கல்வித்திறனையும் பெரிதும் பாதிப்பது உறுதி செய்யப்பட்டது.

குழந்தைகளின் உடல்திறன் சார்ந்த வேறுபாடுகள், முக்கிய மூளை கட்டமைப்பு வேறுபாடுகளோடு நேரடி தொடர்புடையதாகவும், அவர்களின் கல்வி செயல்திறனை பிரதிபலிப்பதாகவும் இருப்பதே இதன் காரணம் என்று அதற்கான விளக்கத்தையும் ஆராய்ச்சியாளர்கள் சுட்டிக் காட்டியிருக்கிறார்கள்.

‘ஆதலால், குழந்தைகளை வெறுமனே படிக்கச் சொல்லி மட்டுமே கட்டாயப்படுத்தாமல் அவர்களின் உடல் உறுதிக்கான பயிற்சிகளையும், விளையாட்டுகளையும் மேற்கொள்ள வைக்க வேண்டும். அப்போதுதான் மூளையின் இயக்க அதிகரிப்பு, கற்றல் திறன், வாசித்தல் மற்றும் இயக்க செயல்பாடுகளும் மேம்படும்’ என்று Neuro Image இதழில் இந்த ஆய்வுக்கட்டுரை குறிப்பிட்டிருக்கிறது.

- கௌதம்

மேலும் செய்திகள்

Like Us on Facebook Dinkaran Daily News
  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

  • 18-07-2019

    18-07-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்