SUN குழுமத்திலிருந்து வெளிவரும் காலை நாளிதழ்

பெண்களின் சிறுநீர் தொற்று தடுக்க வழிமுறை

2018-04-09@ 14:20:52

உடல் ரீதியாக தங்களுக்கு ஏற்படும் பிரச்னைகள் குறித்து வெளியில் சொல்ல பெரும்பாலும் பெண்கள் தயக்கம் காட்டுவார்கள். அப்படி ஒரு பிரச்னைதான், சிறுநீர் தொற்று (யூரினரி இன்பெக்‌ஷன்). இது, ஏற்படுவதற்கான காரணம் மற்றும் தீர்வு இதோ...

அறிகுறி

* சிறுநீர் கழிக்கும்போது எரிச்சல்.
* அடிக்கடி சிறுநீர் கழித்தல்.
* சிறுநீர் சரியாக கழிக்க முடியாமல் வலி ஏற்படுவது.
* முழுமையாக சிறுநீர் கழித்த உணர்வின்மை.

காரணங்கள்

* தேவையான குடிநீர் மற்றும் நீராகாரங்கள் எடுத்துக்கொள்ளாதது.
* நீண்ட நேரம் சிறுநீர் கழிக்காமல் அடக்கிவைப்பது.
* நோய் எதிர்ப்பு சக்தி குறைபாடு.
* அதிக காரமான உணவுகளை எடுத்துக்கொள்வது.
* சுகாதாரமற்ற கழிப்பறை சூழல் மற்றும் கழிவறை பழக்கம்.
* மலம் கழிக்கும்போது சரியாக சுத்தம் செய்யாதது.
* சரியாக சாப்பிடாததால் சுரக்கும் அமிலங்கள் சிறுநீர் பாதையில் நோய் தொற்றை ஏற்படுத்துவது.
* காப்பர் - டி கருத்தடை சாதனம் பயன்படுத்துவதால் தொற்று ஏற்பட வாய்ப்பு உண்டு.
* கேன்சர், சிறுநீரக கோளாறு உள்ளிட்ட நோய்களின் அறிகுறிகளாக இருக்கும் பட்சத்தில். நீரிழிவு நோய் உள்ளவர்களுக்கு சிறுநீர் தொற்றுக்கான வாய்ப்பு அதிகரிப்பது.

தீர்வு

* யூரினரி இன்பெக்‌ஷன் ஏற்பட்டால், தாமதிக்காமல் மருத்துவரை அணுகி சோதனை மற்றும் சிகிச்சை மேற்கொள்ள வேண்டும்.
* உடனடியாக ஆன்டிபயாடிக் மருந்துகள் எடுத்துக்கொள்ளும்போது, இந்த பிரச்னையில் இருந்து ஆரம்ப நிலையிலேயே விடுபடலாம்.
* 4% முதல் 10% வரை பெண்கள் இப்பிரச்னையால் பாதிக்கப்படுவதால், அதை தவிர்க்கும் விதமாகவும், நோயின் அறிகுறிகள் தெரிந்தவுடனும் அதிகளவில் நீர் பருக வேண்டும்.
* நீரிழிவு நோயால் பாதிக்கப்பட்ட பெண்கள் தங்கள் மருத்துவர் பரிந்துரைப்படி சிகிச்சை எடுத்துக்கொள்ள வேண்டும்.
* யூரினரி இன்பெக்‌ஷன், ஆரம்ப நிலையில் சிகிச்சை எடுத்துக்கொள்ளும்போதே சரியாகிவிடும். ஆனால், அது வேறு சில நோய்களின் அறிகுறியாக இருக்கும் பட்சத்தில், ரத்தம், சீழ் கசிவதுடன் மயக்கம் ஏற்படவும் வாய்ப்புண்டு. அதனால் மருத்துவரின் ஆலோசனைப்படி காரணத்தை துல்லியமாக அறியும் வண்ணம் அல்ட்ரா சவுண்ட் ஸ்கேன் செய்வது அவசியம்.
* புதிதாக திருமணமான பெண்களுக்கு தாம்பத்திய காரணத்தால் சிறுநீர் தொற்று ஏற்படலாம். இது, இயல்பானது. மாத்திரை, டானிக் என்று எளிய சிகிச்சையில் இதை குணப்படுத்தலாம்.

மேலும் செய்திகள்

Like Us on Facebook Dinkaran Daily News
  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

  • apayin_kuppai11

    ஸ்பெயினில் வரலாறு காணாத கனமழை : வெள்ளத்தில் இழுத்துச் செல்லப்பட்ட கார்கள் குப்பை போல குவிந்துள்ள அவலம்

  • protest_dailymail111

    சீனாவின் இலையுதிர்கால திருவிழா :மலைகளில் ‘போராட்டம் சார்ந்த வாசகத்துடன்’ விளக்குகளை ஏற்றிய ஹாங்காங் போராட்டக்காரர்கள்

  • china_pramdanm1

    சீனாவில் அடுத்த பிரமாண்டம் : 39,000 சதுர மீட்டர் பரப்பிலான உலகின் மிகப்பெரிய கோளரங்கம் உருவாக்கம்

படங்கள் வீடியோ கல்வி சினிமா ஜோ‌திட‌ம்