சென்னை: சென்னையில் இயங்கும் மூத்த பெருமக்கள் ஆதரவு மன்றம் சர்வதேச முதியோர் தின கொண்டாட்டங்களின் ஒரு பகுதியாக முதியோர்களின் ஞானம் என்ற புத்தகத்தை வெளியிட்டுள்ளது. முதியோர் மன்றம் ஏற்பாடு செய்த நிகழ்ச்சியில் இந்த நூலை சென்னை உயர்நீதிமன்ற நீதிபதி எஸ்.விமலா வெளியிட்டார். இந்த நூலில், முதுமையில் கோட்பாடுகள் இயைந்த முதியோர் மருத்துவம் உள்பட பல்வேறு மருத்துவ முறைகள், நோய் தடுப்பு முறைகள் மற்றும் வாழ்வியல் முறைகள் ஆகியவை பற்றிய விவரங்கள் தொகுத்து வெளியிடப்பட்டுள்ளது. இந்த புத்தகம் வெளியீட்டு விழாவில் ஏராளமான முதியோர்கள் கலந்து கொண்டு தங்களது கருத்துகளை பகிர்ந்து கொண்டது மன நிறைவை அளிப்பதாக இருந்தது என்று மூத்த பெருமக்கள் ஆதரவு மன்றத்தின் செயலாளர் ஆர்.சுப்பாராஜ் தெரிவித்தார்.