SUN குழுமத்திலிருந்து வெளிவரும் காலை நாளிதழ்

மணப்பெண்ணுக்கு 100 புத்தகங்கள் பரிசு

2020-03-04@ 17:08:22

நன்றி குங்குமம் தோழி

திருமணத்தின் போது பெண்கள்  மாப்பிள்ளை வீட்டுக்கு வரதட்சணை கொடுப்பது வழக்கமாக உள்ளது. ஆனால், முஸ்லீம்கள் திருமணத்தில் பெண்ணுக்கு நகையோ, பணமோ பரிசாக கொடுத்தால்தான் ஆண் அந்த பெண்ணை திருமணம் செய்து கொள்ள முடியும். கடந்த ஆண்டு டிசம்பர் மாதம் 29ம் தேதி கேரளாவில் நடைபெற்ற திருமணம் வைரலாக சமூகவலைத்தளத்தில் பரவி வருகிறது. இதற்கு மணப்பெண் பரிசாக கேட்ட பொருள்தான் காரணம். அப்படி என்ன கேட்டார்? அவர் பணமோ நகையோ கேட்காமல் தன் வருங்கால கணவரிடம் புத்தகம் வேண்டும் என்று கேட்டுள்ளார். அவரது ஆசையை நிறைவேற்றி அந்த பெண்ணை கரம்பிடித்துள்ளார். கேரளா 100% கல்வியறிவு பெற்ற மாநிலம்.

அந்த மாநிலத்தை சேர்ந்த மணப்பெண் அஜ்னா நிஜாம். கடந்த ஆண்டு அக்டோபர் மாதம் நடைபெற்ற நிச்சயதார்த்தத்தின் போது தனக்கு 80 புத்தகம் வேண்டும் என்று மணப்பெண் தன்னை திருமணம் செய்யப்போகும் மாப்பிள்ளையிடம் கேட்டுள்ளார். காதலி கடைக்கண் காட்டிவிட்டால் காதலருக்கு மாமலையும் சிறுகடுகாம். அதுபோல் தனது வருங்கால மனைவி கேட்ட அத்தனை புத்தகங்களையும் கடை கடையாக தேடியுள்ளார். சில புத்தகங்களை ஆன்லைனிலும் வலைவீசி தேடியுள்ளார். அவர் கேட்ட 80 புத்தகங்களுடன் கூடுதலாக 20 புத்தகங்கள் என 100 புத்தகங்களை 2 மாதங்களில் தேடிப்பிடித்து அஜ்னா முன் கொட்டியுள்ளார் மணமகன் இஜாஜ் ஹக்கிம்... அத்துடன் விட்டாரா ஹக்கிம்... தனது மனைவி 100 புத்தகங்கள் மத்தியில் படித்தபடி உள்ள  புகைப்படத்தையும் எடுத்து சமூகவலைத்தளங்களில் பதிவிட்டார். அதன் கீழே அறிவுக்கு இணையானது எதுவும் இல்லை. பாராட்டுக்கள்.

அவள் ஒரு மாணிக்கம்’ என குறிப்பிட்டிருந்தார். இப்போது கேரளாவில் அந்த படம் வைரலாகிறது. அவர் தேடிப்பிடித்து வாங்கிய புத்தகங்களில் இந்துக்களின் புனித புத்தகமான பகவத்கீதை, இஸ்லாமியர்களின் குரான், கிறிஸ்தவர்களின் பைபிளும் அடக்கம். இது தவிர இந்திய அரசியலமைப்பு தொடர்பான புத்தகத்தை வாங்கி பெண்ணுக்கு பரிசாக அளித்து மனைவியை கைப்பிடிக்கும் முன்பே அசத்திவிட்டார் ஹக்கிம். ஃபேஸ்புக்கே கதி என  இருக்கும் பெண்கள் மத்தியில் தனது அறிவு தாகத்தை தீர்க்க புத்தகம் கேட்ட மணப்பெண் இணையதளவாசிகளின் இதயத்தில் இடம்பிடித்து விட்டார். கடந்த 2016ம் ஆண்டு திருமணத்தின்போது மணப்பெண் ஒருவர் 50 புத்தகங்களை பரிசாக கேட்டு அவற்றை பெற்ற சம்பவம்  கேரளாவில் நடந்துள்ளது குறிப்பிடத்தக்கது. அதை 100 புத்தகங்கள் பெற்றதன் மூலம் முறியடித்துவிட்டது அதே கேரளா.

தொகுப்பு: கோமதி பாஸ்கரன்

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்